Ngororero-Muhororo:Ibendera ry’Igihugu ryari ryibwe ryabonetse ritabye mu gishanga
Amakuru HANGA NEWS, twahawe n’abamotari ku muhanda w’ahazwi nko mu Idome,batubwiye ko ibendera ry’i Gihugu ryari ryabuze mu Kagali ka Rusororo ,ko mu Murenge wa Muhororo, mu Karere ka Ngororero ,ho mu Ntara y’uburengerazuba,ko ryabonetse ku gicamunsi cy’uyu wa kabiri wa taliki ya 12/12/2023 aho bavuga ko ryagaragajwe n’umwana aritaburuye mu gishanga kiri munsi y’ako Kagali ka Rusororo.
HANGA NEWS, tukimenya aya makuru mubutumwa bugufi kuri Whatsapp twabajije Umunyamabanga Nshingwabikorwa w’umurenge wa Muhororo bwana Barekayo Jean Marie Vianney, uburyo ibendera ryabonetse naho ryakuwe ,adusubiza mu magambo make agira ati”Ryabonetse”.
Uyu muyobozi yirinze gutangaza byinshi kubyo HANGA NEWS yamubajije, ariko nitumenya ubwino mu cyateye ibura ry’iri bendera rikabonwa n’umwana aritaburuye mu gishanga tuzabitangaza mu yindi nkuru.
