Gasabo:Umwana wiga mu mashuri yisumbuye yavumbuye Moteri itanga umuriro w’amashanyarazi hadakoreshejwe Mazutu cyangwa Lisansi

Mu karere ka Gasabo, hateguwe imurikabikorwa ry’Uburezi, Hitabiriye bimwe mu bigo by’amashuri y’isumbuye, iby’imyuga ndetse n’ubumenyingiro.

N’igikorwa cyabereye mu karere ka Gasabo, uyu wa Gatanu Tariki ya 7/6/2024.

Hamuritswe byinshi bitandukanye byiganjemo imishinga y’ikoranabuhanga , ubumenyingiro, Abakora Amasabune, abavumbuye uburyo bwo gusudira hifashishijwe umunyu nta Dinamo ihari, hari Kandi bamwe bavumbuye uburyo bwo kuhira akarima k’igikoni hifashishijwe Robot.

Nteziyaramye Sept Gad , n’umwana w’umunyeshuri wiga mu mwaka wa Kane mu ishami ry’imibare, ubumenyingiro, Siyasi ( MPS) mu ishuri ryisumbuye rwa E.S Bumbogo , mu murenge wa Bumbogo.

Mu kiganiro na HANGA NEWS, yagize ati:”Dufite ikoranabuhanga ryihariye , iyi Moteri mubona twakoze, itanga umuriro w’amashanyarazi hatifashishijwe ibyangiza ibidukikije birimo Lisansi cyangwa Mazutu”.

Uburyo ikoze ubwayo , umuntu niwe ukoresha amaboko agakaraga buto iri kuruhande, iminota 20 gusa, batiri irimo imbere ubwayo ibuka umuriro wacana amatara manini 3 ashoreranye , ugashyiraho telephone ucaginga umuriro , mu gihe cy’amasaha 12 nibwo uba ushizemo ukongera ugashariza batiri…”.

Akamaro kiyi Moteri, nta rusaku igira nta zimwe zaka hifashishijwe Mazutu, ikindi nta myotsi igatanga ubwayo uko ikoze ibungabunga ibidukikije .

Bakomeje , basaba leta kubafasha uyu mushinga wabo ukaguka, kuko unogejwe neza wafasha abatuye mu byaro bataragerwaho n’umuriro gucana, kuko nta kibazo yagira imvura yagwa itagwa , cyangwa ikifashishwa mu ngo igihe umuriro ubuze.

Iyi Moteri, uburyo ikoze batubwiye ko ifite agaciro ka mafaranga ibihumbi 55 y’u Rwanda, ishyizwe ku isoko inogejwe neza byibura yagura amafaranga itarenze ibihumbi 100 y’u Rwanda.

Ntaganzwa J.M.V , ushinzwe imirimo rusange mu karere ka Gasabo, wari n’umushyitsi mukuru yabwiye HANGA NEWS ko, bahurije hamwe Ibigo by’amashuri hagamijwe kumurika ibyo bakora , mu rwego rwo kubafasha kumenyekanisha imishinga yabo kugirango ibone abaterankunga.

Ati:”Mwabibonye , abana bafite imishinga ishimishije igaragaza ko uburezi bw’u Rwanda birimo kwagika cyane mu ikoranabuhanga, icyo twakoze nk’akarere twagirango bahurire hamwe bamurike ibyo bakora kugirango bimenyekane hanyuma natwe bidufashe kubakorera ubuvugizi ”.

Yasoje, asaba ababyeyi kuba hafi y’abana babo kuko imishinga bafite igeze igihe ngo yagurwe mu bitekerezo n’amafaranga kugirango igire imbaraga , bidufashe mu iterambere ry’igihugu cyacu.

Berekanye ikoranabuhanga rihambaye batikoranye.

Umuyobozi ushinzwe imirimo rusange mu karere ka Gasabo, yabashyimiye abasaba ko uyu mushinga wabo bawumenyekanisha hose, kuko ufite akamaro abanyarwanda.

Moteri yayicanye bishimisha benshi.

Abana biga muri Fawe berekanye umushinga ukomeye wo kuhira akarima k’igikoni bifashishije ikoranabuhanga.