Kacyiru:Hakozwe urugendo ku bukangurambaga ku isuku n’umutekano bikomatanyije no kurwanya igwingira mu bana bato

Umurenge wa Kacyiru,akarere ka Gasabo, umujyi wa Kigali, babyukiye mu bikorwa by’ubukangurambaga ku isuku n’umutekano, n’ibikorwa byahurijwe hamwe no kugaburira abana bato indyo yuzuye , byakozwe mu rwego rwo Kurwanya igwingira.

Uyu muhango wabaye uyu 17/1/2023 watangiriye ku biro by’umurenge wa Kacyiru, abawitabiriye bigajyemo kampani z’isuku, inzego z’umutekano, (Polisi) na (Dasso) abajyanama b’ubuzima , urubyiruko rw’abakorerabushake, Croix Rouge, n’abaturage muri rusange, bazengurutse muri Karitsiye zituwe bakangurira abaturage ko badakwiye kujugunya inyanda aho babonye , urugendo rwakozwe abayobozi bagenda batoragura iyarara n’uducupa tunyanyagiye mu nzira bereka abaturage ko bakwiye kugera ikirenge mucyabo nta cupa bakwiye gucaho ryandaraye mu nzira.

Urujeni Gertrude, umunyamabanga Nshingwabikorwabikorwa w’umurenge wa Kacyiru , wari urangaje imbere ibi bikorwa , yabwiye HANGA News ko ibyakozwe byose byari muri gahunda yo guhwitura abaturage n’abayobozi ubwabo ko isuku bakwiye kuyigira umuco.

Ati:”Natwe ntabwo twasigaye inyuma muri gahunda z’umujyi wa Kigali kubufatanye na Polisi, imihigo twahize kuyigeze kure, uyu munsi twateguye urugendo dufite ibyapa na za banner n’imodoka iriho micro bidufasha gutanga ubutumwa bujyanye n’iyi mihigo, twizeye ko byatanze umusaruro aho twanyuze hose muri za Karitsiye twahagararaga tugatoragura iyarara n’uducupa tubereka ko bakwiye gushyira imyanda ahabugenewe”.

Gitifu , yakomeje avuga ko Nyuma ,y’urugendo hari n’ikindi gikorwa bateguye cyo kugaburira abana indyo yuzuye, ati:”Sibyo gusa, Kacyiru tugomba kubaho nk’abanyamujyi bajijutse , hari EDC twasuye dutumira ababyeyi tubereka uko bakwiwe gutekera abana indyo yuzuye kugirango bibarinde imirire mibi yo ntandaro y’igwingira”.

Mu bukangurambaga , ababyeyi bigishijwe ko indyo yuzuye irangwa n’ibyicuro 3 birimo ibitera imbaraga, ibirinda indwara n’ubyubaka umubiri, aribyo biboneka ku isahani, ati:”Kugira isahani yuzuye ibiryo ,siko guha umwana indyo yuzuye”. isahani igomba kuba iriho imboga, ibinyamafufu, Imbuto, inyama, cyangwa amagi n’ibindi…..

Bamwe mu baturage , cyane abacuruzi HANGA News yavuganye nabo , bagaragaje ko isuku ari ngombwa bidakwiye ko n’ubuyobozi buyibibutsa. Jean Claude Urayeneza ,ati:”Ubusanzwe umucuruzi agomba gukorera ahantu hasukuye, kubera iyo agize umwanda abakiriya barigendera, rero abo ubuyobozi buhwitura bikubite agashyi nibo barimo kutuvangira”.

Uyu muhango wasojwe, abana bahawe indyo yuzuye , ari Nako bapimwa ibiri n’ikizigira harebwa imikurire yabo.

Gitifu yasoje ashimira abafatanyabikorwa bitabiriye iyi gahunda, agaragaza ko bizakomeza n’ahandi kuko kugira isuku yifuza ko biba umuco, ati:”Yego turabikora nk’amarushwanwa dushaka ibihembo ,ariko ntabwo byagenda amasigarakicaro twe intego yacu tuzakomeza kubisigasira tubigire umuco, Kandi n’ibihembo twiteguye kubibona Kacyiru turashoboye dushyize hamwe nta cyatunanira”.

Iyi modoka ifite micro yagendanga imbere  ivuga ubutumwa bw’mihigo.

Urugendo rwatangiriye ku biro by’umurenge wa Kacyiru.

Bari barangajwe imbere n’inzego z’umutekano.

Bagendaga mu muhanda bafite morale.

Ubwitabire bwari bushimishije.

Kampani z’isuku zari zabucyereye.

Ku biro by’umurenge baganirijwe byinshi birimo uko bakwiye kurangwa n’isuku.

Ubutumwa bagendaga batanga mu muhanda bishimira ko bwatanze umusaruro.

Iyo yahuraga n’umwanda bawutoraga.

Abayobozi ubwo bari baje kugaburira abana indyo yuzuye.

Bagaburiye abana imbuto ( Polisi iha umwana umuneke).

Gitifu ari guha abana imbuto.

Abana bakimwe ibiro n’ikizigira mu rwego rwo kureba imikurire yabo.