Ngoma-Rukumberi:Imiryango 77 yabanaga mu buryo butemewe n’amategeko yasezeranye
Umunyamabanga nshingwabikorwa w’umurenge wa Rukumberi ,bwana Mugabo Daniel yifatanyije n’ubuyobozi bw’akarere ka Ngoma, mubukanguramba bwo kwimakaza ihame ry’uburinganire n’ubwuzuzanye.
N’umuhango wabaye uyu wa 20/9/2022, aho Umuyobozi w’Akarere ka Ngoma , Madame NIYONAGIRA Anathalie ,yitabiriye ibirori byakorewe mu murenge wa Rukumberi mu cyumweru cyahariwe Kwimakaza ihame ry’uburinganire. Ifite insanganyamatsiko igira iti:” Ihame ry’uburinganire imbarutso y’imiyoborere myiza n’iterambere rirambye”.
Umuyobozi w’Akarere n’abari bamuherekeje bakiriwe n’Umunyamabanga Nshingwabikorwa w’umurenge wa Rukumberi Bwana MUGABO Daniel, ari kumwe n’inzego z’umutekano, inama njyanama n’ abafatanyabikorwa ndetse n’abaturage b’umurenge wa Rukumberi bari baje kwitabira ibikorwa byo gusezeranya imiryango yabanaga mu buryo butemewe n’amategeko.
Bimwe mu byakozwe kuri uyu munsi, nuko Hasezeranyijwe imiryango 77 yabanaga mu buryo butemewe n’amategeko,Handitswe abana mu bitabo by’irangamimerere bangana na 15, Abana 255 bahawe ibikoresho by’ishuli kubufatanye na Compation, Harojwe imiryango 4 muri gahunda ya Girinka,Hakozwe ubusabane bwahuje imiryango yasezeranye n’abaje babaherekeje bagera kuri 323.
Iyi miryango 77 yasezeranye yahawe impano zigizwe n’ imbuto bazifashisha muguhinga.
Nyuma y’ibirori Umuyobozi w’Akarere yavuze ko uburinganire n’ubwuzuzanye ari ishingiro ry’iterambere, anasaba imiryango yasezeranye kwimakaza uburinganire n’ubwuzuzanye ntawe uheje undi.
