Kimisagara:Hasojwe amarushanwa y’umupira w’amaguru yahuje urubyiruko bitegura isabukuru ya 35 y’umuryango FPR-Inkotanyi
Mu murenge wa Kimisagara, akarere ka Nyarugenge,umujyi wa Kigali, uyu wa 23/12/2022 Hasojwe amarushanwa y’umupira w’amaguru yahuje urubyiruko bibumbiye muri koperative 12 zikora ibikorwa bitandukanye.
N’amarushwana yatangiye Aya makipe yishakamo azegukana igikombe , uko ari 12 muri yo 3 niyo yahawe ibihembo.
Ikipe ya mbere, yahawe igikombe yegukana n’amafaranga ibihumbi 100 Rwf,iya 2 yahawe certificate n’amafaranga ibihumbi 75 Rwf, naho iya 3 yahawe certificate n’amafaranga ibihumbi 50. Andi asigaye nayo yahawe certificate y’ishimwe.
Habimana Felcier, uzwi ku izina rya Sarupongo Nyamagabe, Kapiteni wa koperative y’abakarane begukanye iki gikombe yabwiye HANGA News, ko bishimye Kandi bashimira FPR -Inkotanyi ko yabatekerejeho ikabazanira Aya marushanwa y’umupira w’amaguru bikaba bitumye begukana igikombe, ati:”Ubu turishimye,iki gikombe ni igihango tugiranye n’umuryango FPR -Inkotanyi, tugiye kugishyira mu biro twubatse amateka atazibagirana”.
Emile Niyoshuti , Chairman w’umuryango FPR-INKOTANYI mu murenge wa Kimisagara, yabwiye HANGA News ko imirimo yo kwitegura isabukuru y’umuryango FPR-INKOTANYI babitangiye Tariki 26/10/2022 , bakoze byinshi birimo kubakira abaturage batishoboye, uturima tw’igikoni, Ubwiherero bw’abaturage , Hatanzwe Matera mu rwego rwa dusasirane,Isuku n’ibindi byinshi. aho ubu hagezweho turemerane mu bucuruzi hamwe n’inkundamahoro.
Akomeza ku marushanwa y’urubyiruko yavuze ko bateguwe mu buryo buburi, hari amarushanwa yahuje urubyiruko mu mudugudu n’utugari ,hari nayakozwe muri za koperative, ati:”Urubyiruko rwikorera cyane abakora imirimo bita yibagiranye, niyo twe FPR duhaga agaciro, ubu basoje aya marushanwa twabahaye n’ibihembo mu rwego rwo gusigasira ubumwe”.
Emile Yagize ati “Nk’uko twabihaweho umurongo na Chairman wa RPF-Inkotanyi, Nyakubahwa Paul Kagame mu cyerekezo cy’umuryango, tugomba kwita ku iterambere n’imibereho byiza by’umuturage.”
Yavuze ko muri iyi minsi yo kwitegura kwizihiza isabukuru y’imyaka 35 umuryango RPF_Inkotanyi umaze ushinzwe, bakomeza gukora ibyo bikorwa biteza imbere abaturage, cyane Isuku.
Urubyiruko 75 bashimiwe uruhare rwabo mu gukomeza kwiteza imbere, Emile yavuze ko imishinga yabo yashyikirijwe umujyi wa Kigali, naho abarenga 200 bateye intambwe idasubira inyuma barahirira kwinjira mu muryango FPR-INKOTANYI.
Amakipe yari ahagaze neza mu kibuga.
Imikino wari unogeye ijisho.
Chairman Emile yari arimo gukurikirana Umupira.
Ikipe yabaye iya mbere ije gufata igikombe.
Hari n’abafana bari ku kibuga bafana bifatira agacupa.
Nyuma y’umukino , Emile yatanze ikiganiro anashimira.
Ikipe yatsinze, chairman Emile yayishyikirije igikombe.
Gapiteni Sarupongo afite igikombe bamaze gugitsindira.
Chairman Emile yashyikiriza igikombe ikipe yatsinze anabashimira.
