Nyamirambo:Gahunda yo kwegera abatuye yabereye mu kagali ka Gasharu – Byatumye ibibazo by’ingutu bafite bishakirwa ibisubizo
Muri gahunda ya “Shyashyanira umuturage” igamije kwegera abaturage mu mirenge, kubatega amatwi no gukemura ibibazo kuri uyu wa Gatanu taliki 21/3/2025, Umuyobozi w’umurenge wa Nyamirambo, Madamu Uwera Claudine ari kumwe n’abagize Komite Nyobozi z’ubutaka ku karere n’imidigudu, abagize inzego z’umutekano bifatanyije hamwe mugukemura ibibazo by’Abaturage batuye mu kagali ka Gasharu.
Ibibazo byakiriwe byiganjemo ibishingiye ku makimbirane n’ibijyanye n’irangamimerere n’ibishingiye ku butaka.
Abaturage bashimiye ubuyobozi bw’akarere ka Nyarugenge, kubwo kubegera bakabaruhura ingendo bakoraga basanga abayobozi ku biro bishimira ko byabafashije kuzigama amafaranga y’urugendo bashoboraga gutakaza bajya kubaza ibibazo byabo ku karere ndetse no ku murenge.
Gitifu, Uwera Claudine atangiza Inama, yasabye abitabiriye ko bakwiye gushyira hamwe kugirango ibibazo byabo byumvikane, cyane yagarutse ku bantu bafite ibibazo by’ubutaka ko aribyo bibandaho, yagize ati:”Hano turi kumwe n’inzego zitandukanye kuva ku karere kugeza hasi mu Isibo n’umudugudu, uko mwese muri hano turava hano twumvise ibibazo byanyu , ibyo dufite ubushobozi gucyemura turahava tubicyemuye Kandi ibiturengeje ububasha turabikorera raporo”.
Kimwe mu bibazo byabaye ingutu , abayobozi basabye gukorerwa raporo yimbitse nicyo umuryango wa Muyorashingwe Evarsite na Uzamukuza Pascasie, aho ubutaka bwabo bwibarujweho n’umugore witwa Mbarushimana Valerie, abaguze nibo bazamuye ikibazo cyuko babuze mutation bitewe nuko uwabagurishije ariwe Uzamukuza ubutaka yaje kugaragaza ko yabwibwe Kandi uwabutwaye yanabwibarujeho muburyo bw’uburiganya.
Gitifu Uwera , hamwe n’umukozi w’akarere Ushinzwe ubutaka Dusabeyezu Cesar bumvise iki kibazo basanga ari ingutu , bagihaye umurongo ukurikira, basabye komite y’ubutaka mu mudugudu wa Karukoro gukora raporo neza igaragaza imiterere y’iki kibazo,hamyuma bakayishyikiriza ubuyobozi bw’akagali bakayisuzuma, nayo bakoyohereza ku murenge igakorerwa ubugororangingo bakabona kuyishyikiriza akarere, ari nako kazafa umwanzuro wanyuma kuri iki kibazo.
Bamwe mu baturage babwiye HANGA News, ko uyu mugore Mbarushimana Valerie akwiye no gushyikirizwa ubutabera kuko ibimenyetso bafite bigaragaza ko ibyangombwa afite yabiherewe mu karere ka Rulindo mu gihe ubutaka buri mu karere ka Nyarugenge, bakabona yarabibonye mu muriganya bavuga ko akwiye gukurikiranywaho gukoresha impapuro mpimbano no kwihesha ikintu cy’undi hakoreshwejwe uburiganya ndetse nuwabimufashijemo bose bakwiye kubibazwa.
Ibindi bibazo byakiriwe byari ibyo gukosoza imbibi, na bamwe usanga babangamiye abandi kubona ibyangombwa, byose byabajijwe batashye bihawe umurongo.
Iyi gahunda yakozwe mu rwego rwo kurushaho kwegera abaturage, nabo bakagira uruhare mu byemezo bibafatirwa by’umwihariko muri uku kwezi kw’imiyoborere myiza kwahariwe umujyanama.
Insangamatsiko igiri iti:”Ukwezi ku mujyanama, kwegera abatuye hakemurwa ibibazo bibugarije”.
Ubwo ubuyobozi bwariko kumva ikibazo cya Muyorashingwe Evarsite, n’abaguze n’umugorewe w,isezerano Uzamukuza Pascasie.
Abaturage bari benshi baje gutanga ibibazo.
Abaturage bishimiye ko bakemuriwe ibibazo.
Abaturage bari bitabiriye kubwinshi.
