Kwibuka30:Camp Kigali school yunamiye abishwe muri Jenoside yakorewe Abatutsi
Kuri uyu wa Gatanu, tariki ya 24 Gicurasi 2024 , ikigo Group scolaire kigali school y’ibutse abazize Jenoside yakorewe abatutsi mu 1994. Mu butumwa abanyeshuri basabwe gukoresha imbugankoranyambaga barwanya abapfobya amateka ya Jenoside yakorewe Abatutsi.
Uyumuhango ,wabanjirijwe no gushyira indabo ku rwibutso rwa Nyarugenge.
Umuyobozi w’ishuri G.S Camp Kigali School Niyonsenga Jean de Dieu yagarutse cyane kugikorwa cyo kwibuka ndetse n’urumuri rw’ikizere rwacanywe akangurira urubyiruko gukumira abapfobya Jenoside yakorewe abatutsi bakoresha imbuga nkoranyambaga.
Ati”twe nk’Abarezi kwibuka Jenoside yakorewe abatutsi tuyibonamo ikintu gikomeye kuko urubyiruko dufite nirwo Rwanda rw’ejo .
Amahano yagwiriye igihugu cyacu ni ngobwa kuyigisha abana bibafasha gukura bazi neza amateka yaranze igihugu cyacu,bikabafasha gukurira mu rukundo, cyane ko urwango n’ivangura aribyo byatumye Jenoside yakorewe abatutsi iba.
Abana baganiriye n’itangazamakuru, bavuga ko kwibuka bibafasha kumenya ibyabaye muri Jenoside yakorewe Abatutsi, bituma barushaho gukomeza gusigasira urukundo n’amahoro bahangana n’ingengabiterezo ya Jenoside.
