Umurenge wa Nyarugenge watangije ikigega kigamije kurandura Igwingira n’imirire mibi mu bana bato-Ku ikubitiro hashyizwemo asaga Miliyoni 4 Rwf
Inteko y’abaturage bateranye mu kagari ka Rwampala, yari ku rwego rw’umurenge wa Nyarugenge,akarere ka Nyarugenge, y’ibanze ku bikorwa byo Gutangiza ikigega cyiswe icyo kondora abana bagaragayeho imirire mibi n’igwingira.
Iyi nteka Yateranye uyu wa 18/3/2025 yitabiriwe n’abaturage batuye uyu murenge, abafatanyabikorwa, abayobozi ndetse hari n’inzego z’umutekano (Dasso) n’irondo ry’umwuga.
Mu ijambo rifungura iyi nama, Murekatete Patricia, n’umunyamabanga Nshingwabikorwa w’uyu murenge , yasabye ababyeyi ko ikibazo cy’abana bato kiro mu biganza byabo asaba ko bakwiye kugira uruhare mukurerera igihugu , Yagize ati:”Twese uko turi hano,nta wifuza ko twasubira inyuma mu iterambere ry’igihugu cyacu, rero iterambere tuvuga nta rindi usibye kurerera u Rwanda, aba bana bacu bato dushyire hamwe nkuko twabashyize hamwe mu irerero tubiteho bakure neza ,bige neza, nibo Rwanda rw’ejo … nta gusigana buri wese waje hano arahava agize icyo ashyira mu kigenga twafunguye amafaranga azajya kuri konti imwe ya banki nta kindi agamije usibye kwita ku mikurire y’aba bana bacu”.
Gitifu , Patricia nyuma y’ijambo yahise abimburira abandi gushyira inkunga ye mu kigenga ashyiramo amafaranga asaga ibihumbi ijana (100,000) Rwf, nuko n’abandi bafatanyabikorwa bitabiriye iyi nteko bakomeza ku itanga kugeza ubwo inteko yarangije mu kigenga hagezemo agera kuri Miliyoni eshatu n’ibihumbi maganarindwi na mirongo itanu (3,750,000) Rwf … Ubona ko n’abandi bagikomeje kwitanga byaje gusoza bageze kuyasaga Miliyoni enye .
Bamwe mu baturage,bagiye bahabwa umwanya bagarutse kuri iki gikorwa cyo gushyira hamwe , bashima ubuyobozi bw’umurenge bwashyizeho iyi gahunda ko ari nziza bizatuma bica agasuzuguro ka bamwe mu banyamahanga bakangisha ifashanyo ko zihagaze ubuzima nabwo bwahagarara.
Ibi ni nabyo byagarutsweho n’umushyitsi mukuru , Perezida w’inama Jyanama y’uyu murenge wavuze ko, ibi byakozwe ari urugero ruto rw’ibishoboka iyo abantu bashyize hamwe imbaraga, yagize ati:'”Ibi dukoze hano, umuzungu ndavuga umubirigi namwe muzi hano yari kuza abyiyitirira ,natwe tuvuga ko dufite umuterankunga mukuru, urebye ntacyo yari gukora usibye gutwara ayacu nayabo bashyizemo barayisubiza, iyo avuye mu biro abarirwa byinshi bikubiye mu rugendo akoze, aha yari kuba yazanye udupira ngo twambare…,ngayo amakayi…ngibyo ingofero ….wareba ugasanga 90% y’ibyakozwe byasubiye mu mifuka yabo , rero mureke twiyubakire igihugu dushyize hamwe nta cyatunanira tuva mu gusabiriza kwigire ni nabyo biduhesha agaciro”.
Yasoje,ijambo ashimira abafatanyabikorwa b’umurenge, agaragaza ko nta kibazo gikomeye bafite cy’abana bagwingiye muri Nyarugenge, asaba abitanze ko bakomeza kuko abaye menshi nabo bajya gufasha indi mirenge ifite ikibazo cy’igwingira , Ati:'”Ubwo see? natwe ntitwaba tubaye abaterankunga?? beza ….”.
Inteko y’abaturage yasoje n’ibikorwa byo kugaburira abana indyo yuzuye. Insangamatsiko igira iti ”Duhuze imbaraga turwanye igwingira, duteze imbere imibereho y’abana b’u Rwanda”.
