Kwizihiza isabukuru ya 35: RPF-Inkotanyi mu murenge wa Kigali,yungutse abanyamuryango bashya 125 – Abatishoboye borejwe amatungo magufi
Mu gihe hitegurwa kwizihiza isabukuru y’imyaka 35 y’Umuryango RPF-Inkotanyi, Abanyamuryango bawo bo mu murenge wa Kigali, akarere ka Nyarugenge, bavuga ko mu byo bashyize imbere ari uguharanira kuzamura iterambere n’imibereho myiza y’abaturage bikava mu magambo bikajya mu bikorwa.
Ibi babivuze kuri uyu wa 17/12/2022 , mu kagari ka Rwendo , mu muhango wo kurahiza abanyamuryango bashya basaga 120, N”igikorwa cyayobowe na Chairman w’umurenge wa Kigali , ari kumwe n’abanyamuruango ba FPR .
Mu rwego rwo kwishimira ibyagezweho , bitegura kwizihiza isabukuru y’imyaka 35, abanyamuryango bagaragarijwe bimwe mubyo bagezeho bavuga ko babikesha Chairman w’umuryango Paul Kagame uhora abakangurira kwigira ,bishimiye ishuri nderamikurire bujuje , inzu zuzuye bubakiye abaturage batishoboye , n’ubwiherero kubatari babufite barabwubakiwe.
Nyuma yo Kwakira indahiro , y’abanyamuryango bashya , hakurikiyeho umuhango wo kuremera abaturage bagera kuri 40 batishoboye , bamwe bafite abana bahawe inkwavu, hari na bamwe bahawe ihene.
Muri uyu muhango ,mu rwego rwo kwizihiza iminsi mikuru isoza umwaka, urugaga rw”abagore rushamikiye kumuryango FPR , bahaye abagore ibitenge bazasirimukana ndetse n’ibikoresho by’isuku.
Komiseri Ushinzwe Ubukungu n’Imibereho y’umuryango wa RPF-Inkotanyi, ku rwego rw’umurenge wa Kigali ,Ntirushwa Christopher, avuga ko kuri ubu ibyo bashyize imbere ari uguhindura ubuzima by’abaturage mu iterambere n’imibereho myiza yabo, kandi ko ibyo bigomba kuva mu magambo bikajya mu bikorwa asaba Abanyamuryango bose kubigira ibyabo bakajya muri izo ngamba.
Yagize ati “Nk’uko twabihaweho umurongo na Chairman wa RPF-Inkotanyi, Nyakubahwa Paul Kagame mu cyerekezo cy’umuryango, tugomba kwita ku iterambere n’imibereho byiza by’umuturage.”
Yavuze ko muri iyi minsi yo kwitegura kwizihiza isabukuru y’imyaka 35 umuryango RPF_Inkotanyi umaze ushinzwe, bakomeza gukora ibyo bikorwa biteza imbere abaturage.
Ati “Ubundi tugire umuturage wishimye, utekanye kandi ubayeho neza.”
Bamwe mu rubyiruko barahiye barimo Muragijimana Augustin ,utuye mu mudugudu w’amajyambere, na Ishimwe Onoratha , bavuze ko bishimiye Kandi bashimira FPR kuko yabagejeje kuri byinshi, ati:”Twarize ,Kandi dufite n’umutekano, imihanda myiza, amashanyarazi ,amazi n’ibindi byiza birimo kuza.,, ibi nibyo byatumye natwe duteye iyi ntambwe idasubira inyuma”.
Barahiye banishimira ko bateye intambwe idasubira inyuma.
Komiseri Christopher niwe yayoboye umuhango wo kurahiza aba banyamuryango.
Yasomaga indahiro y’umuryango bagasubiramo.
Hari abayobozi batandukanye.
Bamwe mu rubyiruko bavuganye n’itangazamakuru bishimira ko bateye intambwe idasubira inyuma.
Abagore bahawe ibitenge mu rwego rwo kubifuzira Noheri nziza n’umwana mushya.
Byari ibyishimo.
Abahawe amatungo mu byishimo.
Borojwe amatungo magufi.
Ubwitabire bw’abaturage.
