Kimisagara:FPR-Inkotanyi batoye inzego zibahagarariye ku Mudugudu n’Akagali
Abanyamuryango ba RPF Inkotanyi hose mu gihugu bakoze igikorwa cyo kwitorera inzego zibahagarariye ku rwego rw’Umudugudu ndetse no ku rwego rw’Akagali; kuri uyu wa Gatandatu, tariki 14/12/2024.
HANGA News, amatora twakurikiranye yabereye mu kagali ka Kamuhoza, umurenge wa Kimisagara, akarere ka Nyarugenge, umujyi wa Kigali ,Aya matora yatangiye ku isaha ya sa moya za mu gitondo, uwifuzaga gutorwa yahabwaga umwanya wo kwiyamamaza cyagwa akamamazwa n’ abandi.
Amatora nyirizina yakorwaga umuntu yandika ku gapapuro umukandida yihitiyemo, naho imyanya yatorerwaga yari irindwi ( 7).
Mu batowe muri komite nyobozi z’umuryango RPF harimo umuyobozi n’umwungirije, ba Komiseri b’imibereho myiza, imiyoborere myiza n’ubutabera n’ingaga zishamikiye ku rubyiruko.
Bamwe mu banyamuryango ba RPF Inkotanyi bitabiriye aya matora bavuga ko banejejwe no kwihitiramo abazabayobora kandi bakaba babatoye bakurikije umwete n’ubunyangamugayo basanzwe babaziho.
Ku rwego rw’akagali ka Kamuhoza, hamamajwe abakandida babiri , aribo Niyonshiti Emile na Nsabimana Emmanuel, nyuma yo kugaragaza ibigwi byabo nicyo bazamarira umuryango wa FPR-Inkotanyi , abaturage baje guhitamo neza uwo babona uzabageza ku iterambere Niyonshiti Emile yegukana intsinzi agize amajwi 93 kuri 58 ya Nsabimana Emmanuel.
Mu ijambo chairman watoye muri kano kagali , Emile Niyonshiti yashimye cyane ikizere yagiriwe ashimangira ko yemeye gukomeza intambwe ijya mbere mu gukorera igihugu, Ati:”Ndabashimiye cyane, ikizere mungiriye twese hamwe ndizera ko gahunda ari imwe yo gukomeza gusigasira Indangagaciro z’umuryango dushyigikira chairman wacu Paul Kagame”.
Yakomeje avuga ko, hasigaye Andi matora ari imbere abasaba gukomeza kumushyigikira kugirango bizagende neza Kamuhoza ikomeze Gutsinda ijya mbere.
Abayobozi b’umuryango FPR kugeza kuri urwo rwego batorerwa manda y’imyaka ine naho ku rwego rw’iguhugu bagatorerwa manda y’imyaka 5.
Niyonshiti Emile, watowe ku rwego rw’akagali ka Kamuhoza (Chairman).
Aha yari yicaranye n’uwaje kuba vice we.
Abanyamuryango bitabiriye gutora ari benshi.
Abanyamuryango bishimiye guhitamo uwo bafitiye ikizere.
Amatora yabaye mu mucyo.
Byari ibyishimo mu banyamuryango.
