Gasabo-Kimironko:DASSO yafashije abana b’Ababyeyi bahoze ari abazunguzayi ibagezeho ibiribwa mu rwego rwo kurwanya imirire mibi
Urwego rwa DASSO rukorera mu murenge wa Kimironko, akarere ka Gasabo, uyu wa 09/05/2024, Kuri ECD yitwa URUYANGE iherereye mu kagari ka Bibare, Umudugudu w’Ingenzi, habereye igikorwa cyo gufasha abana b’ababyeyi bahoze bakora ubucuruzi bwo mumuhanda (Abazunguzayi) aho bahawe ibiribwa murwego rwo kurwanya imirire mibi.
Bahawe ibiribwa bikurikira, byiganjemo Imbuto ,Amagi, Amata , mu rwego rwo kurwanya imirire mibi n’igwingira kubana.
Aba babyeyi bakuwe m’ubucuruzi bw’ubuzunguzayi bashyirwa mu isoko ry’AGACIRO MARKET , abana babo bashyirwa muri ECD kugirango bitabweho.
MUSASANGOHE Providence Umunyamabanga Nshingwabikorwa w’Umurenge wa Kimironko, yavuze ko iki gikorwa cyateguwe na DASSO, aricyo gushima, ati:”Turashimira DASSO ikomeje ibikorwa byo kuzamura imibereho myiza y’abaturage, uyu munsi turi hano baje kubagezeho Imbuto n’ibi biribwa mu rwego rwo kurwanya imirire mibi n’igwira mu bana bacu”.
Hari hitabiriye inzego z’umutekano harimo Polisi, CIP J.Pierre NDAYISABA , umuyobozi wa DASSO mu murenge wa Kimironko, Charles NKURUNZIZA yabwiye HANGA NEWS ko , nyuma yo gufasha ababyeyi bahoze ari abazunguzayi, DASSO inakomeje ibikorwa byo kwita ku bana babo, Ati:”Twabakuye mu muhanda tubashyira mu isoko baracuruza , abana babo tubashyira mu mashuri abandi tubashyira mu irerero , uyu munsi turi kongera kubasura ari Nako tubagezaho ibiribwa mu rwego rwo kurwanya imirire mibi n’igwingira”.
Charles, arashimira DASSO bose bakorera mu murenge wa Kimironko, ko Igikorwa cyagenze neza 💯.
Abahoze mu buzunguzayi biyemeje gufatanya n’ubuyobozi mu gukangurira bagenzi babo bakiri mu muhanda nabo baze mu isoko, bahereye kubyo bamaze kugeraho nyuma yaho bakuwe mu muhanda.
Umuyobozi wa DASSO, Charles ashyikiriza umuturage ibiribwa.
Hari na police , yofatanyije na DASSO kuremera abaturage ibiribwa.
Hari DASSO Bose bakorera mu murenge wa kimironko.
Abana bahawe amata.
Byari ibyishimo mu bana.
Abana bishimiye ko DASSO yabasuye.
Bari barangajwe imbere n’umunyamabanga Nshingwabikorwa w’umurenge wa kimironko, Madamu Musasangohe Providence.
Abana baje gusabana n’umuyobozi, ubona ko bamwishimiye.
