Ibikorwa byahariwe Umujyanama mu murenge wa Nyarugenge byibanda ku isuku no kurwanya igwingira ry’abana byakomereje mu Agatare

Tariki ya 7/3/2024 nibwo umurenge wa Nyarugenge,akarere ka Nyarugenge watangije ukwezi kwibikorwa byahariwe umujyanama. N’ibikorwa byibanze kwegera umuturage bakora umuganda udasanzwe w’isuku no kwibanda ku bikorwa byo kurwanya igwingira ry’abana bato cyane bikorerwa mu nteko y’abaturage.

Uyu wa 21/3/2023 , Ubukangurambaga bwakomereje mu kagali ka Agatare, aho abayobozi mu kagali, n’abo ku murenge bashinzwe isuku n’isukura bifatanyije n’abaturage bakoze umuganda w’isuku bibanze gutoragura uducupa , imyanda byandagaye muri ruhura bitewe n’imvura yaguye.

Gitifu w’ungirije (SEDO) w’akagari ka Agatare , Amurani Mpambara, yabwiye HANGA News ko uyu munsi nta gishya kindi bakoze , bitari muri gahunda y’ibikorwa byateganyijwe gukorwa mu Kwezi kwahariwe umujyanama, ati:”Twakoze isuku nkuko bisanzwe, dutegura indyo yuzuye tugaburira abana mu rwego rwo gukomeza guhangana n’ikibazo cy’igwingira ry’abana bato, ubundi tuboneraho no gutanga ubutumwa kuko byahurijwe hamwe n’inteko y’abaturage, amahirwe Gitifu w’umurenge Murekatete Patricia yifatanyije natwe aho yakemuye bimwe mu bibazo by’abaturage”.

Murekatete Patricia,Gitifu wa Nyarugenge ubwo yatangizaga ubu bukangurambaga yabwiye HANGA News ko , ukwezi kwahariwe Umujyanama bateguye ibikorwa bitandukanye cyane ibikora ku buzima bw’umuturage aho atuye, ati:”Ubu twahereye Biryogo, tuzakomereza no mutundi tugari twose , dufite gahunda yo gukangurira abaturage kugira isuku ku mubiri, mu ngo zabo, cyane tuzibanda kwigisha ababyeyi guteka indyo yuzuye mu rwego rwo gukomeza kurwanya igwingira ry’abana bato ”.

Uyu munsi , ibikorwa byakomereje mu kagari k’Agatare , aho hakozwe isuku ku mihanda, mu gishanga cy’Agatare , ku mashuri, Umuganda wasojwe nk’inteko y’abaturage saa cyenda ,ahatanzwe ibiganiro bitandukanye hari umutekano, kuboneza urubyaro, kwipimisha indwara y’igituntu, no kwirinda Maralia, nyuma y’ijambo ry’umushyitsi mukuru uyobora PSF mu murenge, hakurikiyeho kugaburira abana indyo yuzuye.

Twababwira ko ibi bikorwa byahariwe ukwezi ku umujyanama mu murenge wa Nyarugenge, byatangiye Tariki ya 7/3/2023 bikazarangira Tariki 28/3/2023 bazengurutse utugari twose, Bahereye Biryogo, bakurikizaho Rwampara,ubu byakozwe mu Agatare, ubutaha ni Kiyovu ari naho hazasozwa ubu bukangurambaga, HANGA News tuzaba tuhabaye tubagezaho uko bizasozwa.

Umuganda waranzwe no gutoragura iyarara mu gishanga.

Umusitari ukomeye Temarigwe yagaragaye mu muganda.

Gutifu Patrica niwe wari ku isonga mu gutora iyarara n’uducupa twandagaye mu muhanda.

Umuganda wakozwe wari ukomeye, uyu ni Temarigwe arimo gukurura umukozi ushinzwe isuku Lenatha yashaye mu gishanga ( Ifoto y’umuganda).

Temarigwe yakoze akazi gakomeye mu muganda.

Umuganda mu gishanga bawukoze bafite morale.

Umuganda usonzwe Gitifu w’umurenge Murekatete Patricia yabashimiye ubwitange.

Abaturage bitabiriye inteko, uyu yitwa Kaburimbo.

Abana habawe indyo yuzuye.

Mu nteko Gitifu yakemuye ibibazo by’abaturage.