Kimisagara:Hatangijwe uburyo bwo kubungabunga isuku bifashishije ikoranabuhanga

Umurenge wa Kimisagara , mu karere ka Nyarugenge, Hatangijwe uburyo bwihariye bwo kubungabunga isuku bifashishije ikimoteri gifite ikoranabuhanga.

Ubu buryo bwahujwe no kugaburira abana n’abagore bakuwe mu buzunguzayi , aho banahawe amata , ubuyobozi buvuga ko ibi bikorwa byose biri muri gahunda y’imihigo y’isuku n’umutekano no kurwanya igwingira ry’abana.

Kalisa Jean Sover, Umunyamabanga Nshingwabikorwa w’umurenge wa Kimisagara, yakira Urugeni Martine Vice meya w’umujyi wa Kigali ushinzwe Ubukungu n’Imibereho myiza y’abaturage wari umushyitsi mukuru waje gutaha ibi bikorwa yasobanuye ko bishimira ibikorwa byo kubungabunga isuku byihariye Umujyi wa Kigali ugenda ukangurira abaturage , agaragaza ko iki kimoteri gifite ikoranabuhanga kije gufasha abacuruzi bose bakorera ubucuruzi bwabo mu nzu y’amashyirahamwe izwi nk’inkundamahoro kugura isuku.

Ati:”Iki kimoteri gifite uburyo gikozemo ,imbere ubwacyo harimo camera ndetse n’imyuma , imyanda uko igenda isukwamo yiyongera ubibona kuri telefoni yawe, ikindi imyanda ibora n’itabora biravangurwa cyaba cyuzuye ubwacyo kirasona mu rwego rwo kuguha ikimenyetso ko imyanda igeze igihe cyo kuyikuramo”.

Gitifu ,avuga ko ntawuzongera kwitwaza ibindi ngo ajugunye imyanda aho yiboneye , ashimangira ko bizafasha abagana Nyabugogo ndetse n’abacuruzi kugira isuku aho bakorera ,mu nzira, mu mihanda n’ahandi kubera Iki kimoteri kije ari igisubizo ndetse no kugicunga byoroshye ntawe kizabangamira ubwacyo n’isuku.

Mu muhango wo guha abana amata, no kubagaburira indyo yuzuye, Vice meya Urugeni yankanguriye ababyeyi Kwita ku isuku ,anabasaba kujya bateka indyo yuzuye Kandi ko byose ibikenerwa biba bihari binabobeka byoroshye, ati:”Izi mboga rwatsi , ibishyimbo, amata, amajyi byose birahari, mwikuremo uburangare mwite ku bana banyu kuko iyo umwana agwingiye bimugiraho ingaruka zikomeye benshi murabizi kuko bahora babibigisha”.

Vice meya ,Urugeni mu kiganiro na HANGA News yavuze ko umujyi wa Kigali , ubu washyizeho amabwiriza yihariye ajyanye n’ubuzunguzayi, ahereye muri Kimisagara avuga ko niho usanga benshi cyane Gare ya Nyabugogo, ati:”Ntabwo twavuga isuku tugifite abazunguzayi mu muhanda, turimo gushaka ko nta n’umwe uzagaruka mu muhanda Kandi imyiteguro yabyo iri hafi ,hari amasoko twateguye buri wese agomba gushyirwamo, yego bamwe bayavamo ariko turabikora dushyireho ibihano kuburyo ntawe tuzongera kubona yagarutse”.

Bamwe mu baturage , bavuganye na HANGA News yagaragaje ibyishimo , bashimira ubuyobozi bw’umurenge wa Kigali, ko bushishikajwe no kubashakira ibyiza, iki kimoteri bavuga ko kiziye igihe ntawuzongera kubana n’imyanda aho akorera.

Kalisa Jean Sover, ashimangira ko intambwe itewe ntakuzongera gusubira imyuma , mu ijambo rye yijeje Vice meya Urugeni ko Kimisagara izakomeza kuba ku isonga mu guharanira ituze , isuku, umutekano, bita ku muturage cyane ko Ubukangurambaga biteguye kwesa imihigo yose 100%.

Ikimoteri batashye kigiye kubasha kubungabunga isuku gifite ikoranahunga.

Iki kimoteri cyatashye na vice Meya Urugeni.

Bishimiye ikoranabuhanga gikoranye.

Gitifu Kalisa ,na Vice Meya bari kugifungura kumugaragaro.

Abayobozi n’inkundamahoro bari bahari.

Hari abayobozi b’imidugudu n’abajyanama b’ubuzima.

Ubwo Gitifu yajyaga Kwakira vice Meya.

Gitifu Kalisa aha ikaze abashyitsi mu biganiro by’inteko y’abaturage bavuye gutaha ikimoteri.

Umushyitsi mukuru ibumuso ,yicaranye n’umuyobozi w’inkindamahoro mu nteko y’abaturage.

 

Mu nkeko y’abaturage bagaburiye abana indyo yuzuye

Umushyitsi mukuru ari guha umwana indyo yuzuye.

Abana pakimwe ibiro ,hagamijwe kureba imikurire yabo.

Hari abajyanama b’ubuzima.

Vice meya ,Urugeni yasoje ijambo ashimira abaturage na Kimisagara ubwitange n’umurava bafite mu kubungabunga isuku n’umutekano.