Karongi: Abakozi bose b’Umurenge wa Murundi basezeye ku mirimo yabo

Abakozi bose b’Umurenge wa Murundi mu Karere ka Karongi, basezeye ku mirimo yabo, barimo Umunyamabanga Nshingwabikorwa w’uwo Murenge Ntakirutimana Gaspard ndetse n’ab’Utugari 3 muri 6 tuwugize.

Umuyobozi w’Akarere ka Karongi, Mukase Valentine yabihamirije RBA dukesha iyi nkuru ko aribyo nubwo yirinze kuvuga  umubare w’abasezeye n’icyabateye gusezera akazi.

Mu ihuriro ry’ubumwe n’ubudaheranwa ku rwego rw’Akarere ka Karongi, haherutse kugaragazwa ikibazo cy’ihoterwa rikorerwa abarokotse Jenoside yakorewe Abatutsi  mu Murenge wa Murundi, ngo abakora ibyo bikorwa bibisha babanza kubaha ibisindisha mbere yo kubagirira nabi.

Mu minsi ishize hari uwishwe muri ubwo buryo.

RBA