Umuyobozi wa RGB Dr Uwicyeza yagaragaje ko bari kwiga uburyo insengero zasoreshwa

Umuyobozi mukuru w’urwego rw’igihugu rw’imiyoborere, RGB, Dr. Doris Uwicyeza Picard yatangaje ko bari kwiga ku buryo insengero n’imiryango ishingiye ku myemerere byasoreshwa nyuma y’uko hagaragayemo akavuyo no kunyunyuza abaturage.

Ibi yabigarutseho, ubwo yagezaga ku nama rusange y’imitwe yombi y’inteko ishinga amategeko raporo y’ibikorwa by’urwego rw’igihugu rw’imiyoborere RGB y’umwaka wa 2023/2024 na gahunda y’ibikorwa y’umwaka wa 2024/2025.