Mageragere: Gusaba no gutanga imbabazi byakijije ibikomere abagize uruhare n’abarokotse Jenoside

N’ubwo Jenoside yakorewe Abatutsi yakoranywe ubugome bw’indengakamere igasigira abayirokotse ibikomere byinshi yaba ku mubiri ndetse no ku mutima, guha imbabazi abayigizemo uruhare byabakijije ibikomere.

Ni urugendo rutoroshye rusaba ubutwari ku mpande zombi, kuko yaba gutera intambwe umuntu akemera uruhare yagize muri Jenoside yakorewe Abatutsi, no gutanga imbabazi ku muntu warimbuye umuryango wawe akagusiga iheruheru, bisaba ubutwari bukomeye butagirwa na buri wese.

Ubu butwari ni bwo bwagizwe na bamwe mu miryango y’abarokotse ndetse n’abagize uruhare muri Jenoside yakorewe Abatutsi mu 1994, bo mu Murenge wa Mageragere mu Karere ka Nyarugenge, umujyi wa Kigali,maze bibafasha gukira ibikomere ndetse no kwiyunga nk’imwe mu ntambwe y’urugendo rw’ubumwe n’ubwiyunge.

Muri urwo, rwego uyu munsi Tariki ya 16/2/2023 hagamijwe gukomeza Ubumwe n’ubudaheranwa,muri uyu murenge habereye Igikorwa cyo gusaba no gutanga imbabazi ku miryango igera 148 igizwe n’abasaba imbabazi basoje ibihano bakaba barafunguwe bagera kuri 89 hamwe n’Abatanga imbabazi barokotse Jenoside yakorewe Abatutsi mu 1994 bagera kuri 59.

Umuyobozi w’akarere ka Nyarugenge, mu kiganiro na HANGA NEWS,avuga ko mu kigereranyo giheruka cy’ubumwe n’ubwiyunge mu karere ka Nyarugenge gishimishije kuko bafashijwe cyane n’ihuriro ry’amadini n’amatorero gushimangira gahunda ya ndi Umunyarwanda. Ubu habarurwa imiryango isaga 600 mu karere ka Nyarugenge yigishijwe isabana imbabazi ibanye neza.

Ati:”Turashima cyane, uruhare rw’amadani muri gahunda y’ubumwe n’ubwiyunge ,uruhare rwabo rurafatika kuko bigishije benshi bari barahungabanye kubera ibihe baciyemo ,none umusaruro wabo murawubona bamwe bateye intambwe basaba imbabazi Kandi ndashimira cyane abarokotse Jenoside bafite umutima w’impuwe batanze imbabazi ”.

Pasteri Valentin Rurangwa, umuyobozi wa ADEPR mu mujyi wa Kigali ,avuga ko uyu munsi abakirisitu bari baratakaje ikizere cyo kubaho kuko hari benshi muba Tutsi biciwe mu sengero igihe cya Jenoside yakorewe abatutsi, ati:”Ubu turi mu rugendo rwo komora ibikomere ku mitima yabeshi yahunganye mu gihe cya Jenoside yakorewe abatutsi, gusenga no kumva ko hari Imana idushishikariza urukundo ,byabaye inzira nziza yo gusabana imbabazi, yego uregendo ni rurerure ariko tuzakomeza kwigisha hamwe n’Imana bizashoboka”.

Kubera ko abantu bemera Imana, bakanumva amadini n’amatorero cyane, mu murenge wa Mageragere bahisemo gukora ubukangurambaga binyuze muri iyi gahunda , hakanigishwa amateka ya Jenoside yakorewe Abatutsi ku rubyiruko, kugira ngo itazongera kubaho ukundi.

DEA Emmy Ngabonziza, ubwo yarimo ageza ijambo kubitabiriye iki gikorwa. Akikijwe n’abasabye imbabazi ku ruhare bagize muri Jenoside yakorewe abatutsi.

Basabye imbabazi mu ruhame baciye bugufi.

Basabye imbabazi ku ruhare bagize muri Jenoside yakorewe abatutsi.

Hari abayobozi batandukanye.

Hari Kandi n’abakiristu batandukanye ba ADEPR ya Nyarugenge.