Amajyaruguru: Abikorera biyemeje guhashya ubusinzi
Abikorera bo mu Ntara y’Amajyaruguru, baravuga ko biyemeje kugira uruhare mu guca ubusinzi bugaragara cyane muri iyi Ntara.
Kugira ngo ibi bigerweho neza, mu kwezi kwa Munani hateganyirijwe amatora yo kuzuza buri rwego uhereye ku Mudugudu, bikazarushaho kunoza imikoranire n’inzego z’ibanze nk’uko byatangajwe na Mukanyarwaya Donatha uharagarariye urwego rw’abikorera mu Ntara y’Amajyaruguru.
Guverineri w’Intara y’Amajyaruguru, Nyirarugero Dancilla yaciye akarongo ku kibazo cy’ubusinzi asaba abikorera ko bagomba kukigira icyabo.
Abikorera mu Ntara y’Amajyaruguru bashimirwa uruhare rwabo mu gukemura bimwe mu bibazo bibangamiye imibereho myiza y’abaturage, bakaba biyemeje kurushaho ubufatanye n’inzego z’ibanze mu guteza imbere abaturage.
