Nyarugenge: DEA Emmy NGABONZIZA yijeje ubufasha ikigo Trinity Center for World Mission
Umuyobozi Nshingwabikorwa w’Akarere ka Nyarugenge , Emmy Ngabonziza ari kumwe n’uhagarariye Ingabo mu karere n’Umunyambanga Nshingwabikorwa w’umurenge wa Kigali basuye Ikigo Trinity Center for World Mission gikorera mu murenge wa Kigali mu rwego rwo kubashimira kuri servisi z’ubuzima bageza ku baturage, ubuyobozi bw’akarere bukaba bwarijeje ubufasha bushoboka bwose Ikigo Trinity Center for World Mission kugirango kizagura ibikorwa byacyo bityo umuturage agerwaho na serivise nziza.
Umuyobozi Nshingwabikorwa w’Akarere ka Nyarugenge , Emmy Ngabonziza yagiranye ibiganiro na Charlie King, Umuyobozi w’inama y’ubutegetsi ya Trinity Center for World Mission muri Amerika
Ni mu gihe abahagarariye ikigo Trinity Center for World Mission baturutse muri Amerika, batangarije ubuyobozi bw’akarere ka Nyarugenge ko bifuza kwagura ibikorwa byayo, bityo abaturage n’abagana sirivise zizajya zitahangirwa, ibyo bifuza bijye bibageraho muburyo bwihuse bari mu nyubako zigendanye n’igihe kimwe n’ibikoresho byihutisha serivise.
Charlie King, waje akuriye itsinda ry’abaganga n’abamisiyoneri, yijejwe ko bazafashwa kugeza ibikorwa byabo ku baturage
Charlie King, waje akuriye itsinda ry’abaganga n’abamisiyoneri, akaba Umuyobozi w’inama y’ubutegetsi ya Trinity Center for World Mission muri Amerika, avuga ko bagakwiye kuba baratangiye kubaka inyubako za Seminari nshya,kimwe n’ibindi bikorwa, baza gukomwa mu nkokora nibibazo umuyobozi w’akarere yabijeje ko bagiye gufashwamo.
Charlie King yagize ati “turashima ubuyobozi bwatwijejej ko buzadufasha, ibikorwa duteganya kubaka bizatuma Intego yacu zigerwaho, izo zirimo kubaka Iseminari, Trinity Biblical Institute, hazabaho kwiyongera kw’abapasitori bavuguruye, bize tewolojiya, inyubako zikazadufasha gutanga akazi , gukora ibikorwa by’umurimo w’Imana, ndetse no kongera umubare w’abayobozi b’amatorero”.
Umuyobozi Nshingwabikorwa w’Akarere ka Nyarugenge ,Uhagarariye Ingabo mu Karere, Umunyamabanga nshingwabikorwa w’umurenge wa Kigali n’umuyobozi wa Trinity Center for World Mission
Umuyobozi Nshingwabikorwa w’Akarere ka Nyarugenge , Emmy Ngabonziza wasuye Ikigo Trinity Center for World Mission gikorera mu Murenge wa Kigali, ubwo cyegerezaga abaturage serivisi z’ubuvuzi ku buntu, ubuyobozi bw’akarere bukaba bwari buje mu rwego rwo kubashimira kuri servisi z’ubuzima bageza ku baturage.
Umuyobozi Nshingwabikorwa w’Akarere ka Nyarugenge mu ibiganiro bagiranye n’ubuyobozi bw’ikigo Trinity Center for World Mission bikaba byagarutse ku gushaka uko ibikorwa byabo byakwagurwa, abizeza ko ibikorwa byose bifuza biteza umuturage imbere bimufasha kubone serivise nziza kandi inoze ubuyobozi bw’akarere buhari ngo bubafashe.
Emmy Ngabonziza yakomeje aganira n’abaturage agira ati “ twifuje ko Trinity Center for World Mission baza bakabegera aho muri kugirango babahe izi serivise mukeneye, ndatekereza ko ari byiza kandi ari ibyagaciro kubona umukecuru aza akabona serivise adakoze urugendo rurerure”.
Tuzakora ibishoboka byose muri gahunda dufitanye na Trinity Center for World Mission turifuza ko bakwagura inyuba zabo bakomeze bahatangire nizo serivise biborohereze, tugiye kubijyanamo tubikorane , basabye uburenganzira bwo kwagura inyubako zaba kugirango bakorere heza harimo n’ibikoresho byiza , bafite ubushobozi, serivise zimwe zitangirwe ubuntu ariko ibi byose ni kuneza z’umukuru w’igihugu cyacu .
Yakomeje agira ati “ Ibi byose ni umukuru w’igihugu ubikora kuko avuga ati <izi serivise niba mutazibonye ubu ariko byibuze umwaka utaha muzaba muzibona kandi mukazazibona atari serivise z’umunsi umwe ahubwo ari serivise zihoraho>. Twabijeje ubufanye mu mikorere no kubafasha kugirango ibyo bifuza kugeza kubaturage bigerweho”.
Umuyobozi Nshingwabikorwa w’Akarere ka Nyarugenge , Emmy Ngabonziza yagiranye ibiganiro nabaturage baherewe serivise muri Trinity
Umuyobozi w’ingabo w’ungurije muri batayo ya 6 ikorera mu karere ka Nyarugenge Majoro Bizimungu wari wasuye ahatangirwaga serivise z’ubuvuzi kubaturage ku buntu, yabwiye abaturage ko umutekano ari nyambere mbere yibindi. Yagize ati “Ninge dukorara hano umunsi kumunsi dukorera hano muri Nyarugenge na Gasabo, tuzajya dukorana inama munteko z’abaturage”.
Ikigo Trinity Center for World Mission gikora imirimo y’iyogezabutumwa mu Rwanda, cyashinzwe n’umuryango Mission to the World ( MTW ) kikaba gikorera mu Murenge wa Kigali aho cyaragijwe Pasiteri Kwizera Nehemie.
