Kicukiro:Himakazwa Amahoro,Abaturage b’umurenge wa Kanombe bagabiye Inka ab’umurenge wa Gahanga

Mu rwego rwo kwimakaza Amahoro, ubumwe n’ubudaheranwa, mu karere ka Kicukiro, mu mujyi wa Kigali,Abaturage b’umurenge wa Kanombe bagabiye Inka ab’umurenge wa Gahanga.

Muzehe Ngarambe Francois watanze imbabazi mu kiganiro na HANGA NEWS.

N’igikorwa cyabaye uyu wa 30/5/2025 ,ubwo umurenge wa Gahanga wizihizaga ku nshuro ya kane umunsi ngarukamwaka w’amahoro. N’umusi bavuga ko ukomoka kuri Ngarambe Francois wahaye imbabazi Bucyana wagize uruhare mu rupfu rw’ababyeyi be bishwe muri jenoside yakorewe Abatutsi Mata 1994.

Bucyana wagize uruhare muri jenoside yakorewe Abatutsi, wanahekuye umuryango wa Ngarambe yaje kwirega abasaba imbazi. Mu kiganiro na HANGA NEWS.

Rutubuka Emmanuel, Umunyamabanga nshingwabikorwa w’umurenge wa Gahanga yabwiye HANGA NEWS ko, ku rwego rw’Umurenge uyu munsi ari ku nshuro ya kane bizihiza umunsi ngarukamwaka w’amahoro umwihariko w’uyu mwaka nuko abaturage bavuye mu murenge wa Kanombe baje koroza ab’umurenge wa Gahanga.

Ati:”Ubundi uyu n’umunsi twizihiza ku rwego rw’Umurenge witwa uw’Amahoro , ukomoka ku bantu babiri, umwe yakoze Jenoside asaba imbabazi hanyuma uwayikorewe nawe atanga imbabazi ariko twe nk’ubuyobozi twabigizemo uruhare kuko ni gahunda nziza y’isanamitima no gushyigikira gahunda y’ubumwe n’ubudaheranwa”.

Gitifu Rutubuka Emmanuel, yakomeje avuga ko, iyi gahunda yo gusakaza amahoro yaguye amarembo, Ati:”Mu rwego rwo gusakaza amahoro,uyu munsi Inka 6 zivuye mu murenge wa Kanombe zagabiwe abaturage bacu, abaturage b’i Kanombe bagabiye ab’i Gahanga, ni gahunda nziza y’urukundo twigisha abaturage bacu”.

Bamwe mu baturage bagabiwe Inka ndetse n’abazigabye byari ibyishimo n’ubusabane ,abaganiriye na HANGA NEWS bavuze ko , bishimye bashimira n’ubuyobozi bw’igihugu burangajwe imbere na Perezida Kagame Paul, Ati:”Ibi byose tubikesha imiyoborere myiza y’igihugu, turashimira perezida Kagame aya Mahoro turirimba niwe tuyakesha hamwe n’inkotanyi zahagaritse Jenoside yakorewe Abatutsi”.

Insanganyamatsiko y’uyu mwaka igira ati:”Kuba umwe kwacu, niyo Mahoro arambye”

Nk’uko byagarutsweho n’umunyamabanga nshingwabikorwa w’umurenge wa Gahanga, Rutubuka Emmanuel , yavuze ko Ngarambe Francois yahaye imbabazi Bwana Bucyana wamwiciye ababyeyi igihe cya Jenoside yakorewe abatutsi mu mwaka 1994.
Izo mbabazi zikaba zaratanzwe taliki 26/5/2019 byabaye nk’ikimenyetso cy’ubumwe n’ubwiyunge .

Ngarambe Francois yabwiye HANGA NEWS ko, muri jenoside yakorewe Abatutsi yabonye ababyeyi be bicwa Kandi biciwe hamwe,ariko yahisemo gukora urugendo rw’isanamitima ku ubumwe n’ubwiyunge, ni naho yatangiye kuzirikana abakiri bato nk’umuntu wari ikinege atangiza gahunda yo gusura abagororwa muri  gereza yigisha ubumwe n’ubwiyunge.

Yaje kugana aho ababyeyi be biciwe Gahanga aza guhura na Bucyana, uyu Bucyana yavuze ko muri Jenoside yari Resiposabule ni nawe wari uyoboye igitero cyishe ababyeyi ba Ngarambe.

Bucyana yabwiye HANGA NEWS ko, yireze muri Gereza asaba imbabazi arazihabwa arataha, kuba yarahawe imbabazi yarishimye cyane , Ngarambe yavuze ko gutanga imbabazi biraruhura ku wahemutse ndetse nuzitanze. Kuri we avuga ko yagize amahirwe kuko yahaye imbabazi kuwazisabye.

Ubu we na Bucyana babaye umwe n’ishuri niyo igihe cyo kwibuka kigeze bajyana gutanga ubuhamya mu rwego rwo kwimakaza ubumwe n’ubwiyunge.

Biyemeje gutangiza urugendo rw’amahoro bashaka abandi bakoje Jenoside kugirango biyunge.

Umuhango wosojwe n’ubusabane ,abana bato bahabwa Amata.

Gitifu Rutubuka Emmanuel yishimira inka bagabiye abaturage b’umurenge abereye umuyobozi.

Hari n’inzego z’umutekano. Barimo gusabana n’abaturage.

Byari ibyishimo.

Abaturage basabanye n’abayobozi.

Abaturage bishimiye Ingabo zaje kwifatanya nabo basabana nabo.

Uwagabiwe inka ndetse n’uwayimugabiye mu byishimo.

Abana bahawe amata.

Habayeho ubusabane.

Basangiye umutsima.

Abaturage b’i Gahanga bari babukereye kwizihiza umunsi ngarukamwaka w’amahoro.