Umurenge wa Kigali: Umuhanda Ruriba-Kamenge-Nyabugogo na Karama -Norvege hamaze guterwa ibiti 1515
Uyu munsi, Tariki ya 23/11/2024 , Ubuyobozi bw’Umurenge wa Kigali, ku bufatanye n’umushinga wa SUNCASA, abayobozi batandukanye n’abaturage ibihumbi baturuka mu tugali, n’imidugudu itandukanye bifatanyije n’umuyobozi wa karere ka Nyarugenge ( DEA) Ingangare Alexis ari kumwe na Gitifu Ntirushwa Christopher bitabiriye umuganda bwo gutera ibiti muri gahunda y’umujyi wa Kigali yiswe ‘Igiti Cyanjye’;
Umunyamabanga Nshingwabikorwa w’umurenge wa Kigali, Ntirushwa Christopher yabwiye HANGA NEWS ko Umuhanda Ruriba-Kamenge-Nyabugogo na Karama -Norvege hamaze guterwa ibiti 1515, hagamijwe gushyigikira intego y’Umujyi wa Kigali yo gutera ibiti miliyoni eshatu mu myaka itanu iri imbere.
Yakomeje avuga uyu muganda wakozwe ari Ubukangurambaga bugamije gushishikariza abaturage gutera ibiti no kubibungabunga, hagamijwe guteza imbere Umujyi utoshye, urambye kandi ubungabunga ibidukikije.
Ubukangurambaga ‘Igiti Cyanjye’ hamwe n’umushinga SUNCASA bigamije kongera imbaraga z’Umujyi wa Kigali mu guhangana n’imihindagurikire y’ibihe, kandi bigaragaza uburyo ibisubizo bishingiye ku kubungabunga ibidukikije bishobora kugirira akamaro ikirere, bityo bikubaka ahazaza heza ha Kigali n’ah’akarere kose.
Abaturage bitabiriye umuganda ari benshi.
DEA ari kumwe n’abandi bayobozi batera igiti.
Gitifu avuga ko bamaze gutera ibiti iberenga 1500.
Gitifu Christopher ari kumwe n’abaturage bakora umuganda udasanzwe wo gutera ibiti.
DEA ,Ingangare Alexis atera igiti.
Nyuma y’umuganda habayeho ibiganiro.
Umuganda wari witabiriye n’inzego z’umutekano (Irondo)
