Kigali:PSF yashyize hanze ibyavuye mu bushakashatsi yakoze birebana n’inzu zitunganya Ubwiza (Salon de Coiffure) na Sawuna &Masage

Urugaga rw’Abikorera mu Rwanda (PSF) rwashyize hanze ibyavuye mu bushakashatsi bakoze mu mujyi wa Kigali, bijyanye n’abakora mu nzu zitunganya ubwiza n’uburanga , Sawuna na Masage, Abasuka imisatsi y’Abagore cyangwa Abagabo, abogosha Ubwanwa ,abaca inzira ku bagore cyangwa Abagabo, n’abandi….

Rusanganwa Leo , umukozi wa PSF mu ishami ry’ubuvugizi yabwiye HANGA NEWS ko hashize iminsi bari mu ibarura ry’abakora mu nzu zitunganya ibwiza n’uburanga mu rwego rwo kubafasha kwishyira hamwe kugirango babashe gutera imbere kuko basanze abakora uyu murimo basigaye inyuma mu iterambere kubera bugarijwe n’uruhuri rw’ibibazo nkuko ibyavuye mu bushakashatsi bwabigaragaje.

Mu byavuye mu bushakashatsi byagaragaye ko , abakora ubwogoshi kugirango batangire akazi bahabwa amafaranga bita kureshya umukozi (Recruitment) , Aya mafaranga bahabwa PSF basanze ari ikibazo gikomeye kuko uyahawe Harubwo yimukira ahandi akagenda yambuye, naho agiye gukorera handi yayahabwa naho akabikora uko, ugasanga abatanga akazi bahora mu bihombo baterwa n’abakozi bajarajara akeshi ngo biterwa nuko aho yimukiye n’abakiriya yogoshaga abasaba kumusanga aho yimukiye hashya.

Ibindi byagaragajwe mu bushakashatsi, nuko abakora muri izi nzu zitunganya ubwiza , mu mujyi wa Kigali, bafite ihuriro ridakora ,aho basanze rigizwe n’abantu cumi n’umwe gusa, ibindi byagaragajwe nuko abakora aka kazi nta mategeko abagenda bubahiriza ,hari amabwiriza ya minisitiri w’abakozi 01/Mifotra/2023 yerekeye imikorere y’amashyirahamwe atubahirwa .

Ibindi bibazo by’ingutu byavuye mu bushakashatsi, nuko abakozi binzobereye mu gutunganya imisatsi y’Abagore bakiri bacye, ku buryo abahari badahaza isoko ry’abatuye umujyi wa Kigali ndetse n’abawugana.

Inzu zikorwamo sawuna na Masage , ubushakashatsi bwagaragaje ko, abazikoramo benshi bafite ubumenyi budahagije ku buryo bituma abana iyi service bakiri bacye .

Nyuma y’ubu bushakashatsi, PSF ivuga ko , igiye gufasha abakora iyi myuga kwishyira hamwe hakorwe ihuriro ku buryo buri karere mu mujyi wa Kigali, habamo ihuriro mu rwego rwo kubafasha kubongerera ubumenyi ndetse no kubashakira ibikoresho bigezweho bibafasha gukora akazi kabo neza.

Mu kiganiro n’itangazamakuru, Rusanganwa Leo , yagize ati:'”Turashaka ko, abakora iyo mirimo yose , babaho neza umwogoshi agomba gukora akazi afite ubwishingizi akorana na banki, abona inguzanyo neza, afite amategeko amugenga n’amurengera ndetse n’abakoresha nuko bagomba kuva mu bihombo kuko tugiye gushyiraho ihuriro rimwe habeho n’amategeko abagenga byose nibyo PSF turimo kubafasha kugirango bakore akazi bunguka”.

Yakomeje avuga ko, mu mujyi wa Kigali, iminsi mike bamaze babarura , bamaze kugera ku nzu zirenga 500, Ati:'”Ibarura riracyakomeje, iminsi mike tumaze mu ibarura tumaze kubona inzu zikorwamo iyi mirimo hano mu mujyi zirenga 500, Kandi ibarura rirakomeje kuko abakora aka kazi bose tuzabageraho kuko PSF dufite gahunda ko bitarenze Ukwezi Kwa Cyenda tuzaba twatangiye ibiganiro biduhuza nabo, ndetse n’ihuriro rishyirweho”.

Umwuga wo gutunganya ubwiza bw’abantu ubamo inyungu , PSF turashaka ko abawukora baba abanyamwuga kuko bamaze gushyiraho ihuriro turabongerera ubushobozi n’ubumenyi kuburyo nabo bishimira ibyiza igihugu cyacu kiza cy’u Rwanda tumaze kugeraho”.