Abarezi b’i G.S Jabana basuye umuhora w’amateka y’urugamba rwo kubohora igihugu biyemeza gusigasira Ubumwe n’Ubudaheranwa
Abarezi barerera mu rwunge rw’amashuri rya Jabana, umurenge wa Jabana ,akarere ka Gasabo, umujyi wa Kigali, bakoze uruzinduko rwo kujya gusura ingoro ndangamateka y’urugamba rwo kubohora i Gihugu iherereye ku Mulindi wa Byumba.
N’igikorwa bakoze uyu wa Kabiri tariki ya 2/7/2024 basuye ingoro igizwe n’indake yabagamo Nyakubahwa Perizida Paul Kagame mu yari ayoboye urugamba rwo kubohora i Gihugu no guhagarika Jenoside yakorerwaga abatutsi muri Mata 1994.
Aba barezi babwiye HANGA News ko, bahigiye amateka bajyaga bumva batarayibonera , babwiwe ko aka gace kegeranye niyo ndake nta Jenoside yahakorewe kuko Inkotanyi zari zarahageze mbere y’uko iba.
Umubyeyi uhagarariye abandi NKURAYIJA Jean Baptiste wari wajyanye n’aba barezi, yabwiye HANGA NEWS ko ashimira abarezi b’iki kigo batekereje kujya gusura indake yategurirwagamo urugamba rwo kubohora i Gihugu kuko bazigisha abana amateka yaho i Gihugu cyavuye.
Umwarimukazi MUKESHIMANA Edithe nawe yavuze ko amateka y’iyi ngoro bajyaga bayumva none bayiboneye kandi ko bazayigisha abana babonye ko i Gihugu cyavuye kure hakomeye.
BIZUMUREMYI Cyliaque umuyobozi wa G. S Jabana, mu kiganiro n’itangazamakuru yavuze ko, igitekerezo cyo kujya gusura ingoro ndangamateka y’urugamba rwo kubohora i Gihugu ari uko bagirango bamenye izingiro,inkomoko no kwigerera aho byabereye kandi ko bijyanye no guha uburere abana bigisha bijyanye naho i Gihugu cyavuye naho kijya.
Yashoje avuga ko ashima Minisiteri y’uburezi ibaha imfashanyigisho zinoze zibafasha kwigisha abana amateka y’i Gihugu kugirango atazasibangana.
Ibice bigize Amateka byasuwe birimo:
Kagitumba border, ahatangiriye urugamba rwo kubohora lgihugu, Nyabwishongwezi hill , aho late Major General Fred Gisa Rwigema yaguye
Tabagwe-Gikoba through the subsidiary axis & Agasanimetero area.
Hasuwe indake ya Afande PC (Iconic collection) , iherereye Gikoba mu kagali ka Shonga mu Murenge wa Tabagwe
Hasuwe ibindi bice mu nzira y’Urugamba ahagiye habera bimwe mubikorwa by’ingenzi byaranze urugamba
Amasomo bigiyemo harimo ,Kwigira k’Umukuru w’Igihugu (gutekereza muburyo bwagutse, kureba kure, guharanira gukora neza, Discipline, Sacrifice, kutazarira no gufatira ibyemezo igihe.
Kwiga aho Igihugu aho cyavuye, aho kigeze ubu naho kigana
Indangagaciro zaranze ababohoye Igihugu (INKOTANYI) no kubigiraho mu gushyiramubikorwa inshingano duhabwa zo guteza Igihugu imbere n’Abanyarwanda
Gukoresha bicyeya ukagera kuri byinshi
Gukorera ku ntego, kwiyemeza no Kudatezuka (resilience) nubwo byaba bikomeye ariko bikagerwaho
Nyuma yo Kubona ubwitange bw’ababohoye Igihugu (INKOTANYI) ndetse harimo n’abahasize ubuzima, bizadufasha kurinda no gusigasira ibyagezweho.
Muri ,iki gikorwa Abarezi n’abayobozi ba G.S Jabana batanze ubutumwa bwo gushimira ababyeyi ndetse n’abayobozi, basaba gukomeza gusigasira ibyagezweho n’Inkotanyi.
Bishimiye ibiganiro bahawe.
Umuyobozi w’ishuri rya G.S Jabana mu kiganiro n’itangazamakuru.
Bahageze bakiriwe neza n’inzego z’umutekano.
Bari biteguye iki gikorwa.
Indake basuye.
Bishimye gusura umuhora w’amateka yo kubohora igihugu.
