Muhima-Nyabugogo:Umusaza w’imyaka 60 yapfiriye muri Lodge yo kwa Chantal
Mu karere ka Nyarugenge, Umurenge wa Muhima mu kagari ka NYABUGOGO, mu mudugudu w’INDATWA, uyu wa 20/6/ 2024 ku isaha ya Saa tanu n’iminota 20 (11h20) nibwo hamenyekanye inkuru y’akababaro yaho umugabo yasanzwe muri Lodge yapfuye.
Uyu muturage yitwa MUGISHA Noël, yari afite Imyaka 60, yaguye muri Lodge yo muri Bar and Accomodation chez KABANYANA Chantal.
Uyu MUGISHA Noël ,Akaba yaraje mu ijoro ryo ku wa 19 Kamena 2024, yarazanywe n’uwitwa SINDAYIGAYA Emmanuel, nawe ufite Imyaka 49. Yaraye muri Lodge Numero ya kabiri ( 2)
Yaraye muri iyi lodge kubera ko bari bafite akazi baribuzindukiremo muri
RESERVE FORCE.
Uyu nyakwigendera akaba yumvaga atameze neza kuko yari afite uburwayi bwa ASIMA amaranye imyaka irenga 14. Ahagana 10h00′ nibwo yapfuye.
HANGA NEWS, ubwo twateguraga iyi nkuru ,Inzego z’umutekano Police, RIB, DASSO n’Irondo ry’Umwuga bahageze barimo kubikurikirana.
Hari hatejyerejwe Imodoka itwara imirambo ngo ize gutwara uyu murambo, ku bitari bya Kacyiru kugirango ukorerwe isuzunwa ngo hamenyekanye icyamwishe.
Mukandori Grace, Umunyamabanga Nshingwabikorwa w’umurenge wa Muhima, yabwiye HANGA NEWS ko aza kuduha Andi makuru y’isumbuye, Ati:”Nari mu Kandi kazi ,ubu nibwo ngiye kubikurikirana ndaza kuguha amakuru y’isumbuye nyuma”.
