Minisitiri Musabyimana yatunguwe nuko yasanze mu murenge wa Mageragere ibibazo abaturage bafite byarakemutse -Ashimira inzego z’ibanze

Minisitiri w’ubutegetsi bw’igihugu , Musabyimana Jean Claude, uyu wa 28/5/2024 yifatanyije n’abaturage b’umurenge wa Mageragere ,akarere ka Nyarugenge, umujyi wa Kigali, mu nteko y’abaturage, yakirijwe na Morale nyinshi y’abaturage ubona ko bamwishimiye nawe abunganira acinya akadiho.

Nkuko bisanzwe, inteko z’abaturage n’umwanya abayobozi n’abaturage bicara bagashakira hamwe Ibisubizo ku bibazo bafite bibugarije aho batuye mu Midugudu n’utugari.

Hategikimana Silas, Umunyamabanga Nshingwabikorwa w’umurenge wa Mageragere, yabanje kugaragaza ishusho y’umurenge mu mboni zitandukanye harimo Ubukungu, Uburezi, Imibereho y’abaturage, ibikorwaremezo, Amazi, n’Amashanyarazi n’ibindi….

Mu bibabazo rusange yagaragarije Minisitiri ,harimo kuba umuhanda Rebero, uhujwe nuri gukorwa uva Miduha ugahurira mu Isantere ya Mageragere byakwihutisha iterambere, ikindi ni Ruhurura ihari itarakorwa, ndetse n’igishanga cya Mageragere gitunganyijwe neza cyakweramo imboga zatunga abanyakigali. Yasoje ijambo rye asaba ko habonetse Irimbi rusange byakorohera abaturage kujya baherekeza abacu batabarutse byoroshye.

Nshutiraguma Esperance, umuyobozi w’akarere ka Nyarugenge wungirije (DDEA), ahawe umwanya wo kwakira umushyitsi mukuru yabanje kugaragaza ko ikibazo cy’irimbi cyakemutse, Ati:”Ikibazo cy’irimbi ,mugaragaje ndagirango mbamare Impungenge kuko ubuyobozi bw’akarere twarangije kubona ubutaka ,ndetse twarangije no kwishyura, mu minsi irimbere turaba dutangiye imirimo yo kuhatunganya umwaka Utaha Irimbi riraba ribonetse muruhuke ingendo ndende muherekeza abacu batuvuyemo”.

Minisitiri w’ubutegetsi bw’igihugu, Musabyimana yaje kuganira n’abaturage , abasobanura gahunda zose leta y’u Rwanda ibafitiye, harimo cyane kuzamura imibereho myiza, Ati:”Ubu gahunda ya leta , ntabwo tugifasha abantu uko tubonye ,ahubwo tubafasha mu kwigira tubunganira mubyo bakora , rero mushyire hamwe hari inguzanyo zihari zidasaba inyungu nkizo banki yaka ,mufate amafaranga mukore mutere imbere”.

Umwanya wo kwakira ibibazo, asaba ko buri wese ufite ikibazo yakwigira imbere akabivuga, yatunguwe nuko batatu bamanitse akaboko mu mbaga y’abaturage bitabiriye iyi nteko, bagarutse ku kibazo rusange cy’imihanda , amazi , n’isoko ….

Abisubiza, yagize ,ati:”Ibi n’ibibazo rusange bijyanye n’ibikorwaremo, nibyo leta irimo gukora hirya no hino mu gihugu , ngirango hano iwanyu Mageragere ntiyarizwi, nanjye ubwanjye numvaga ko ari mu cyaro, ariko amashanyarazi ngaya murayafite,imihanda iri gukorwa, ibi byose nibyo gushimira Kandi mbasaba ko mubyerekana ejo bundi mu matora mushimangira ko bizakomeza no neho neza kurushaho”.

Yakomeje , abaza uwundi waba afite ikibazo ngo agikemure araheba, Ati:”Icyo mbonye nuko ibibazo biri hano byose abayobozi babikemuye , mboneyeho gushimira Umuyobozi w’umurenge ndetse nabo bakorana ko bita ku baturage, kuba mbuze untura ibibazo cye bwite ngo nkikemure nuko babirangije , rero mufashe tubashimire”.

Inteko yahise isoza na Morale bacinnya akadiho.

Benshi bari bafite ishimwe.

Minisitiri ubwo yari imbere y’imbaga y’abaturage abaganiriza.

Abaturage ibibazo byabo byakemuwe n’inzego z’ibanze.

Minisitiri Musabyimana Jean Claude, ashimira abayobozi mu murenge wa Mageragere ko bita ku bibazo by’abaturage.