Masaka:Aba-Dasso boroje abaturage banatanga Mituweli 100 babashimira ubufatanye mu kurinda umutekano

Urwego rushinzwe umutekano w’akarere ka Kicukiro, Dasso, rwageneye abaturage inka z’imbyeyi ebyiri , rushimangira ko hari ibiri guhinduka mu mikoranire hagati y’uru rwego n’abaturage.

N’umuhango wabaye uyu 04/04/2023, witabirwa n’Umuyobozi Nshingwabikorwa w’Akarere ka Kicukiro wungirije Madam Ann Monique Huss, wanayoboye ibikorwa byateguwe n’Urwego rwa DASSO birimo, kugabira Abaturage babiri bacitse kwicumu rya Jenoside yakorewe abatutsi mu 1994 Inka ebyiri z’imbyeyi, bahabwa n’ibikoresho birimo pompe n’imiti n’umunyu.

Ibindi , Urwego rwa DASSO rwatanze Mutuelle de Sante ku baturage batishoboye 100 bo mu Murenge wa Masaka.

Muri gahunda yo gukura abana mu buzererezi bagasubizwa mu muryango bakagana ishuri, Urwego rwa DASSO rwahaye Ibikoresho by’Ishuri ( Amakayi, Uniform, amasakoshi n’amakaramu ) ku bana umunani, DASSO ivuga ko yabavanye mu muhanda basubizwa mu muryango no mu Ishuri.

Umuhuzabikorwa w’Urwego rwa Dasso mu karere ka Kicukiro, Niragire Samuel,
avuga ko imikoranire n’abaturage ikomeje kandi ko bitazabangamira akazi ko gucunga umutekano. Ati “Abaturage turabasaba gutanga amakuru haba mu kurwanya ibiyobyabwenge, Kanyanga ndetse n’ahari gukimbirana baratubwira kandi tugakorana neza”.

Niragire Samuel yakomeje abwira HANGA NEWS ko , ubu DASSO cyane iya Kicukiro isanzwe ifatanya n’abaturage mu bikorwa by’amajyambere ariko ubu bifuza ko banagira ubuzima bwiza ,ati:”Turifuza ko babaho bivuza , twabahaye Mituweli, nta gwingira mu bana bato, muri Gahunda ya Perezida Kagame ya Girinka twaboreje Inka nziza Kandi z’imbyeyi bagiye kujya banywa amata, n’ibindi…”.

Uyu muyobozi arashimira ,Aba- DASSO ba Kicukiro, agira ati:”Byose byavuye mubwitange bwacu bwo gukunda igihugu, kuko ibyakozwe byose bífite agaciro gasaga Miliyoni 3 Rwf Kandi yavuye mu maboko yabo”.

Muri uyu muhango umushyitsi mukuru yari Umuyobozi Nshingwabikorwa w’Akarere ka Kicukiro wungirije Madam Ann Monique Huss, yari kumwe n’Umuyobozi w’agateganyo w’Imirimo rusange mu Karere ka Kicukiro Bwana MURENZI Donatien.

Abandi bari bahari, n’Umuhuzabikorwa wa DASSO mu Karere ka Kicukiro ( DCO )Samuel NIRAGIRE, yari aherekejwe na ba- DASSO bahagarariye abandi mu mirenge yose.

Hari Kandi Inzego z’Umutekano (Ingabo, Police, RF).

Hitabiriye, Abayobozi b’Inama Njyanama b’Imirenge ya (Masaka, Nyarugunga, Kagarama, Niboye, Kicukiro, Kanombe).

Abayobozi b’Umuryango FPR Inkotanyi mu Mirenge ya (Masaka, Nyarugunga, Kagarama, Niboye, Kicukiro, Kanombe).

Abayobozi b’Imirenge ya (Masaka, Nyarugunga, Kagarama, Niboye, Kicukiro, Kanombe).

Abajyanama ku Kagari n’Umurenge wa Masaka ndetse n’Inzego z’Umuryango ku Kagari n’Umurenge wa Masaka.

Gitifu w’umurenge wa Masaka , Alfred Nduwayezu, ahabereye iki gikorwa yashimye cyane icyi gikorwa cyiza Urwego rwa DASSO bakoze nyuma y’inshingano zikomeye bakora bakaba bakora n’Ibikorwa biteza imbere Abaturage.

Ubwo bari mu muhango wo koroza Abaturage.

Umuhango w’itabiriye na ba- DASSO bahagarariye abandi mu mirenge.

Umuyobozi wa Dasso ,arimo gushimirwa Abaturage.

Abana bakuwe mu muhanda bahawe ibikoresho by’ishuri.

Byari ibyishimo.

Bamwe mu ba-Dasso bari bishimye.

Bamwe mu babyeyi borojwe bari mu byishimo.