Kimironko:Hakozwe urugendo ku bukangurambaga ku isuku bikomatanyije no kurwanya igwingira mu bana bato

Umurenge wa Kimironko,akarere ka Gasabo, umujyi wa Kigali, babyukiye mu bikorwa by’ubukangurambaga ku isuku n’umutekano, n’ibikorwa byahurijwe hamwe gukangurira ababyeyi gutegura Indyo yuzuye mu rwego rwo Kurwanya igwingira.

Uyu muhango wabaye uyu 9/3/2023 watangiriye ku biro by’umurenge wa Kimironko, abawitabiriye bigajyemo kampani z’isuku, inzego z’umutekano, (Polisi) na (Dasso) abajyanama b’ubuzima , urubyiruko rw’abakorerabushake, Croix Rouge, n’abaturage muri rusange, bazengurutse inyuma y’isoko rya Kimironko na Karitsiye zituwe bakangurira abaturage ko badakwiye kujugunya inyanda aho babonye , urugendo rwakozwe bamwe mu bayobozi bagenda batoragura iyarara n’uducupa tunyanyagiye mu nzira bereka abaturage ko bakwiye kugera ikirenge mucyabo nta cupa bakwiye gucaho ryandaraye mu nzira.

Nduwimana Etienne, Ushinzwe Imali n’ubutegetsi mu murenge wa Kimironko , wari urangaje imbere ibi bikorwa , yabwiye HANGA News ko ibyakozwe byose byari muri gahunda yo guhwitura abaturage n’abayobozi ubwabo ko isuku bakwiye kuyigira umuco.

Ati:”Natwe ntabwo twasigaye inyuma muri gahunda z’umujyi wa Kigali kubufatanye na Polisi, imihigo twahize kuyigeze kure, uyu munsi twateguye urugendo dufite ibyapa na za banner na Moto iriho micro bidufasha gutanga ubutumwa bujyanye n’iyi mihigo, twizeye ko byatanze umusaruro aho twanyuze hose muri za Karitsiye twahagararaga tugatoragura iyarara n’uducupa tubereka ko bakwiye gushyira imyanda ahabugenewe”.

Yakomeje avuga ko Nyuma ,y’urugendo hari n’ibindi bikorwa byakozwe mbere, byo kugaburira abana indyo yuzuye, kubufatanye n’urubyiruko rw’abakorerabushake mu midugudu yose hubatswe uturima tw’igikoni tugera ku 100, ati:”Sibyo gusa, Kimironko tugomba kubaho nk’abanyamujyi bajijutse , hari ECD twasuye dutumira ababyeyi tubereka uko bakwiwe gutekera abana indyo yuzuye kugirango bibarinde imirire mibi yo ntandaro y’igwingira”.

Mu bukangurambaga , ababyeyi bigishijwe uko indyo yuzuye irangwa n’ibyiciro 3 birimo ibitera imbaraga, ibirinda indwara n’ubyubaka umubiri, aribyo biboneka ku isahani, ati:”Kugira isahani yuzuye ibiryo ,siko guha umwana indyo yuzuye”. isahani igomba kuba iriho imboga, ibinyamafufu, Imbuto, inyama, cyangwa amagi n’ibindi…..

Bamwe mu baturage , cyane abacuruzi HANGA News yavuganye nabo , bagaragaje ko isuku ari ngombwa bidakwiye ko n’ubuyobozi buyibibutsa. Uwizena Marie Solange ,ati:”Ubusanzwe umucuruzi agomba gukorera ahantu hasukuye, kubera iyo agize umwanda abakiriya barigendera, rero aho ubuyobozi buhwitura bikubite agashyi nibo barimo kutuvangira”.

Mubindi bikorwa byakozwe muri Kimironko, abana bahawe indyo yuzuye , ari Nako bapimwa ibiro n’ikizigira harebwa imikurire yabo.

Etienne Nduwimana yasoje ashimira abafatanyabikorwa bitabiriye iyi gahunda, agaragaza ko bizakomeza n’ahandi kuko kugira isuku yifuza ko biba umuco, ati:”Yego turabikora nk’amarushwanwa dushaka ibihembo ,ariko ntabwo byagenda amasigarakicaro twe intego yacu tuzakomeza kubisigasira tubigire umuco, Kandi n’ibihembo twiteguye kubibona Kimironko turashoboye dushyize hamwe nta cyatunanira”.

Urugendo rwatangiriye ku murenge.

Imbere yabo yagendanga za moto yarimo n’ifite indangururamajwi.

Abakozi b’umurenge Bose bitabiriye iyi Gahunda.

Abitabiriye bari benshi. Aha Etienne yarimo gutanga ubutumwa mu baturage.

Police n’iyi yari ibari  imbere.

Bazengurutse inyuma y’isoko rya Kimironko.

Kampani zishinzwe isuku zitabiriye .

Urugendo rwasojwe bagaruka ku biro by’umurenge.