Ngororero:Baratabariza umuyobozi wa PSF umaze ukwezi afungiwe mu nzererezi

Mu karere ka Ngororero, Umuģabo witwa Nzanana Fidele w’imyaka 49 uyobora PSF muri Cyome, ho mu murenge wa Gatumba,amaze hafi
ukwezi kwose afungiwe mu inzererezi.

Abaturage bamuzi n’umuryango we baratabaza Perezida Paul Kagame na Minaloc kubera ko uyu Nzanana Fidele uyobora PSF amaze ukwezi afungiwe mu inzererezi mu buryo budakurikije amategeko.

afungiwe mu ikigo cy’inzererezi giherereye ahitwa ku Kabaya nkuko bitangazwa n’umugorewe ndetse n’abaturage baturanye nuyu mugaboo.

Mu agahinda n’umubabaro mwinshi Dusabeyezu Christine umugore wa Nzanana Fidele yatangarije umunyamakuru wacu ko we n’abana bahangayikishijwe n’irifatwa ririmo akarengane ,tubayeho nabi inzara iratwishe kuko niwe ujya gushakisha bakabaho,yagize ati”:Tariki ya 11/05/2022 panda gari y’abapolisi bantwaye Umugabo bamuvana kuri moto asa nushimuswe turamushaka turamubura birangira tumenye ko bamujyanye munzererezi, uubu abana bavuye mu ishuri inzara itumereye nabi nagiye kubaza vice -mayor ushinzwe imibereho aranyihorera,umugabo wanjye yafashwe nta convocation yahawe,ndasaba umuvunyi mukuru na Perezida wa Repubulika kuntabara umugabo wanjye akagaruka mu rugo”.

Abaturage baratabariza Nzanana Fidele, harimo ushinzwe umutekano muri Centre ya Cyome ,utashatse ko amazina ye atangazwa kubw’umutakano we, yemeje aya makuru ko Nzanana yahohotewe ajyanwa ahatazwi ,ati”
Tubabajwe na Nzanana wajyanywe mu buryo butazwi ariko akaba azira kompanyi yitwa NMC icukura amabuye yamugambaniye”.

Yakomeje avuga ko babangamiwe nu guhora bahohoterwa bajyanwa mu nzererezi tukaba dusaba ko NMC idakomeza kuduhohotera,inzego zibanze isibo,Umudugudu, akagari kugeza k’umurenge basinye raporo imutangira ubuhamya igaragaza ko Nzanana asanzwe ari inyangamugayo.

Umumotari twise Serge Twizeyimana kubwutekano we ,niwe warutwaye Nzanana Fidele ubwo yafatwaga, yemeza ko imodoka ya polisi bakunda kwita panda gari yabitambitse imbere ahita ashyirwamo amapingu baramujyana.ati:”Nibyo koko
namuvanye ku cyome, tugemuriye abarwayi ku muhororo,panda gari iyobowe na komanda wa polisi yaranyitambitse bahita bambika Nzanana Fidele amapingu,baramujyana ubu ari i Kabaya ahafungirwa inzererezi, naramusuye turavugana ariko ntibanyemerera ko muha amata kandi ntabwo abayeho neza”.

Kuri iki kibazo umuturage witwa Kubwimana Gilbert nawe yagize ati :”Nzanana Fidele yatwawe muburyo butazwi ajya kujugunywa mu nzererezi ku kabaya turasaba Umuyobozi wa RIB kudufasha gufunguza Nzanana kuko n’umugabo udakwiye kugirwa inzererezi”.

Yakomeje avuga ko buri wa gatandatu Fidele agaburira abana batari bacye bafite imirire mibi muri Ngororero.

Uwitwa Uwumuhoza Aimable ,Inshuti ya hafi
nawe yemeza aya makuru ati:”Nzanana Fidele yatwawe muburyo butazwi butemewe n’amategeko, tumushakishije tumusanga ahafungirwa inzererezi ,ibintu tubona nko kwibasirwa kuko na mukuru we baramufunze tukaba dusaba Mayor w’akarere ka Ngororero ,ukuriye RIB mu gihugu,Ukuriye Polisi mu gihugu,umuvunyi mukuru ,Minisitiri w’Ubutegetsi bw’Igihugu na
Perezida wa Repubulika baza bagafungura nzanana n’abandi b’inzirakarengane bahari”.

Uwumuhoza Aimable akomeza atunga agatoki DPC w’akarere ka Ngororero ko ahohotera abaturage abajyana munzererezi.

Umuyobozi w’Akarere ka Ngororero Nkusi Christophe, k’umurongo wa Telefone, yabajijwe n’umunyamakuru wacu impamvu umugabo wubatse ,utuye,uyoboye PSF muri Cyome ,uyoboye centre y’ubucuruzi ya Cyome,ukorera croix rouge amara hafi ukwezi yarashyizwe mu nzererezi agira ati:”Ok ,ubwo twareba mubo dufite ko arimo tukareba icyo dukora (Nubwo tutari tubimubajije , Mayor yagarutse mugucukura amabuye bitemewe n’amategeko) ,yakomeje agira ati:”Nukureba case ye tukagira icyo tubikoraho”.

Umuvugizi wa Polisi y’u Rwanda, CP Kabera Jean Bosco abajijwe iby’iki kibazo aho abaturage bavuga ari Polisi yajyanye uyu muturage Nzanana Fidele ugiye kumara hafi ukwezi ari ahafungirwa inzererezi ,icyo Polisi izabikoraho, agira ati:”Nibwo bwa mbere iyo n’inkuru uduhaye turabikurikirana”.

Tubijeje kuzakomeza gukurikirana iby’iy’inkuru.

Yanditswe na: BAGEMAHE H.CLEMENT

Fidele batabariza ufungiye mu nzererezi.