Karongi na Rutsiro abaturage bo ku Rufungo barataka umutekano muke – Abazunguzayi ntibavuga rumwe n’abashoramari

Mu isantere izwi ku izina ku Rufungo iri Hagati y’akarere ka Karongi na Rutsiro, haravugwa umutekano muke, abacuruza imbuto n’imboga n’ibindi…. bavuga ko bahindutse abazunguzayi bavuye mu isoko ku mpamvu zo kubura abaguzi, barashinja abashoramari kubagambanira ahari kujya icyapa Imodoka zihagararaho imbere y’isoko bubakuwe kitahashyizwe, ahubwo Imodoka baziyoboye imbere y’amaduka yabo.

Abashoramari nabo babashinja kuza imbere y’amaduka yabo kuzunguzayo banatangira abava mu modoka bigateza umutekano muke.

HANGA News, uyu wa 18/7/2025 twari muri iyi santere yo ku Rufungo iri hagati ya karongi mu kagari ka Rufungo, mu mudugudu wa Bwihe, na Rutsiro mu kagari ka Mwendo, mu mudugudu wa Butenga ,tuganira n’abaturage bahakorera ndetse n’abahagenda.

Bamwe mubahaye amakuru HANGA NEWS, bagaragaje imbogamizi zihari zuko iyi santere umuhanda uhari uca mu turere tubiri bigatuma n’ingamba zifatwa ku mpande zombi zidashyirwa mu bikorwa. Bati:”Iyo Karongi ifashe ingamba zo guca abatembereza ibintu mu muhanda, usanga Rutsiro bidakunda , turibaza impamvu tuba mu gihugu kimwe amategeko atugenga ari amwe , byagera iwacu abayobozi bagasigana gukemura iki kibazo kuko birabangamye cyane, kubona abazunguzayi bakururana abantu mu mudoka ,bamwe bafite ibigori,ubunyobwa, imata, inyama…n’ibindi…..”’.

Ikindi kibazo gikomeye, n’uburyo ngo bamwe mu bashoramari bakoze parking z’imodoka imbere y’amaduka yabo, bavuga ko Uwitwa Diane, Rugamba na Ferdinand bihariye isoko muri Kano gacu, Ati:”Aba nibo bacuruzi batugambaniye batwimisha icyapa imbere y’isoko ryacu, kuburyo n’imirimo yo kucyubaka yari yatangiye yahise ihagarara, ahubwo Turasaba Police yacu, kuba yaza ikadukemurira ikibazo kuko nibo bateza umutekano muke, kuko ibyapa bikoreye imbere y’amaduka yabo ntibyemewe , Turasaba ko aho cyagenewe kujya byakubahirizwa nibwo natwe twatuza abavuye mu modoka bakaduhahira aho kwirirwa twiruka imbere y’imodoka zagiye iwabo”.

Bamwe mu bashoramari twavuganye harimo Kwa Diane batubwiye ko, ikibazo cy’abazunguzayi kibabangamiye, ariko ubuyobozi bwakagombye kubafasha kubicyemura ntacyo bubamariye, Ati:”Iki n’ikibazo gikomeye, nta gikozwe hazagwa abantu kuko Imodoka iyo ihagaze abazunguzayi barahurura bakuzura, ibyo bazanye kubaha natwe turabifite … rero ubwacu twishyiriyeho abashinzwe umutekano ni ukurirwa barwana nabo ukabona ko ari ibintu bigayitse”.

HANGA News, twaje kuvugana n’uwitwa Emmanuel bavuga ko we ,na Kanyenzi aribo batowe kuyobora ibikorwa by’i santere batubwira ko baherutse gukora Inama iki kibazo gufatirwa ingamba, ariko nabo babishyikirije ubuyobozi bayobewe impamvu bidashyirwa mu bikorwa, Ati:'”Ubundi iyi sentere twakoze Inama twemeza ko igomba kuba imwe , kubera uruhande rimwe ni karongi ahandi ni Rutsiro, twahurije hamwe ibikorwa by’ubucuruzi kugirango tubashe gucunga umutekano wabatugana, gusa ibyemezo byose byafashwe twabihaye ubuyobozi natwe twayobewe impamvu batadushyigikira ngo bihabwe umurongo”.

Dative Kayitesi meya w’akarere ka Rutsiro na Muzungu Gerald meya w’akarere ka Karongi Bose HANGA NEWS twabavugishije kuri iki k’ibazo ntacyo bigize bakivugaho, n’ubutumwa bugufi (SMS) twabahaye ntabwo basubije, umunsi bagize icyo batangaza tuzabishyira mu nkuru itaha.

Nta gikozwe, ibi bibazo ngo bihabwe umurongo bizakurura amakimbirane hamwe n’amatiku kubera kutavuga rumwe Hagati yabo ndetse n’ubuyobozi bagaragaza ko bwabatereranye kugeza naho isoko babubakiye nta matara rigira iyo bwije Bose bajya mu muhanda.

Isoko leta yubakiye abahoze ari abazunguzayi Bose barivuyemo kubera kubura abaguzi.

Bavuga ko, aha mubona hari hagenewe gushyirwa icyapa Imodoka zihagararaho,ariko ngo abashoramari Rugamba, Diane,na Ferdina bagambaniwe kimukira ku nzu zabo. Barasaba Police n’izindi nzego kuzaza kubafasha gukemura iki kibazo.

Iyo Imodoka ihagaze bayuzuraho.

Amakuru HANGA NEWS twamenye nuko umushoferi wese uparika imbere y’inzu y’umushoramari buri kwezi ahabwa ibihumbi 50k Rwf.

Bavuga ko izi parking bikoreye ari ntoya kd bangiza n’ibikoresho remezo nk’umuhanda.

Barasaba ko akavuye Kaba muri iyi sentere kacika.