Kigali Leather Cluster na MINICOM bagiye gufatanya gukemura ibibazo byose byugarije iterambere ry’impu mu Rwanda

Uyu wa Gatanu, tariki ya 06/09/2024 Abagize komite nyobozi y’ihuriro ry’abakora ibikomoka ku mpu Rwanda ” Kigali Leather Cluster” (KLC) bagiranye Ibiganiro na Minisitiri w’Inganda n’Ubucuruzi Prudence Sebahizi , aho yari kumwe na n’ubuyobozi ushinzwe Inganda(DG) hamwe n’umujyanama wa Minicom mu kurebera hamwe iterambere rya KLC.

Ibiganiro bagiranye byari kwigira hamwe ibibazo byugarije iterambere ry’impu mu Rwanda , aho Bose bari gushakira hamwe ibisubizo byubaka abanyarwanda ndetse n’iterambere ry’igihugu mu gushimangira amasezerano Minicom yagiranye na Kigali Leather Cluster.

Ibiganiro bagiranye byibanze mu gushakira hamwe igisubizo cy’uko Inganda zajyaho mu ruhererekane rw’impu n’ibizikomokaho bigizwemo uruhare n’abanyarwanda mu buryo burambye, bijyanye n’ubumenyi bugezweho aho MINEDUC isabwa gushyigikira gahunda y’ubumenyi ngiro kugeza ku cy’iciro cyisumbuye ndetse na za Kaminuza.

Ibindi byari kurebera hamwe igishoboka KLC yakora mu nshingano yahawe na Minicom mu kuyobora ibikorwa biri mu guhuza abari mu ruhererekane rw’impu n’ibizikomokaho mu Rwanda no kubazamura mu iterambere no guhanga imirimo ku rubyiruko mu Rwanda.

Kigali Leather Cluster yameje ko iri mu murongo wo kubaka ugaragaza uburyo abari mu ruhererekane rw’impu n’ibizikomokaho bakoreramo mu kwishyiriraho Inganda nk’abanyarwanda mu kuzamura iterambere rusange.

Ibindi basabye nuko Leta y’u Rwanda yashyigikira igikorwa cy’inyubako itunganya imyanda iva mu nganda zitunganya impu bityo Inganda ntoya n’iziciriritse n’inini kugirango abanyarwanda baharanire kwishakamo ibisubizo.

Kigali Leather Cluster yasezeranije gushyiraho amakusanyirizo rusange, igaragaza impu ziri mu gihugu zizatunganwa mu nganda, n’izizajya zisaguka zikoherezwa ku masoko mpuzamahanga .

Kigali leather cluster, yijeje kugaragaza umusaruro w’impu ziri mu makusanyirizo ikazisabira uburenganzira bwo gucuruzwa ku masoko mpuzamahanga no hanze ya EAC ku baguzi babonetse binyuze muri Minicom.

Minicom yijeje gushishikariza ibigo bya Leta , n’abafatanyabikorwa n’izindi nzego za Leta bifite mu nshingano mu guteza imbere impu n’ibizikomokaho mu Rwanda, harimo no gushaka ingengo y’imari izashyorwa muruhererekane ry’impu ndetse n’inozamikorere ya KLC.

Kigali Leather Cluster, yajeje gutanga raporo y’ibikorwa bya buri gihembwe muri Minicom, mu kugaragaza ishyirwa mu bikorwa inshingano Minicom yahaye KLC yo gukora ibikorwa by’iterambere mu ruhererekane rw’impu n’ibizikomokaho mu rwego rw’ubucuruzi n’iterambere ry’inganda ntoya ,iziciriritse ndetse n’inganda nini.

Kamayirese Jean D’amour, umuyobozi w’abagize ihuriro ry’abakora ibikomoka ku mpu mu Rwanda (KLC) yabwiye HANGA NEWS ko ibi biganiro byamushimishije cyane ,agira ati:”Twanyunzwe n’ibiganiro twagiranye Minisitiri wa MINICOM, urabona ko hari ikizere cy’ubufatanye mu guteza imbere ibikomoka ku mpu mu Rwanda ”.

Yakomeje avuga ko, n’abanyamuryango bafite ubushake bwo gukora ariko hari byinshi bibazitira bisaba ko leta yacu yadufasha gukemura bigahabwa umurongo ubundi uruhuru rw’u Rwanda rwiza rukunzwe muri Africa no ku Isi Yose rukagarura agaciro rwatakaje.

Ati:”Ngirango n’umukuru w’igihugu nyakubahwa Perezida Kagame,ibi yabikomojeho murabizi ,rero igihe n’iki ngo dushyire mu bikorwa icyifuzo yadusabye Kandi birashoboka kubigeraho dushyize hamwe ntacyatunanira”.

Umuyobozi wa KLC bwana Kamayirese Jean D’amour na Minisitiri w’Inganda n’Ubucuruzi (MINICOM) Pudance Sebahizi.

Ifoto rusange nyuma y’ibiganiro.

Biyemeje ubufatanye mu guteza imbere ibikomoka ku mpu mu Rwanda.