Nyabihu:Abarimu ba Christ the King barambuwe bari gukora ubuyedi kugirango babone itike y’urugendo bajye muri Vacances
Bamwe mu barimu bigisha mu ishuri rya Christ the king , batifuje ko amazina yabo ashyirwa mu itangazamakuru bavuze ko bamaze amezi 7 bakora badahembwa none byabagizeho ingaruka zikomeye zirimo kubura itike y’urugendo ibajyana mu biruhuko (Vacances).
Iri shuri riherereye mu murenge wa Jenda , akarere ka Nyabihu, Intara y’uburengerazuba, uyu wa 21/7/2024 nibwo umunyamakuru yageze kuri iki kigo, avugana na bamwe mu barezi bavuga ko bari mu gihirahiro baheze mu macumbi nyuma yaho babuze amafaranga y’urugendo abatwara muri Vacances, Ati:”Twarambuwe , ubuyobozi bw’ishuri bumaze amezi 7 bataduhemba ,nugerageje kubivuga bimugwa nabi, none abana barangije amasomo baratashye twe twaheze hano, bamwe muri twe turimo gukora ubuyedi dushakisha amafaranga y’itike y’urugendo ngo tubobe tujya muri Vacances”.
Hari na bamwe bavuze ko , batari kubasha kuva ku icumbi ngo batahe kubera ko bafatiriwe na bamwe mu bacuruzi kubera amadeni babafitiye.
Alodia Ugirihirwe , umuyobozi w’ishuri bigaragara no kucyapa cy’ishuri yahamirije itangazamakuru ko atariwe, ku murongo wa telephone yagize ,ati:”Uwo muhamagaye Siwe ? ahita akupa telephone’..
Simpenzwe Pascal , umuyobozi w’akarere ka Nyabihu wungirijwe ushinzwe imibereho y’abaturage yabwiye tv1 , dukesha iyi nkuru ko , iki kibazo bagiye kugikurikirana nyuma yaho babimenyeye, Ati:”Nibwo twumvise iki kibazo? nta baruwa nimwe turakira y’umwalimu igaragaza ko bambuwe, ndaza gukorana n’ushinzwe uburezi tubikurikirane”.
