Kamonyi:Itsinda ry’isoresore biyise Ibihazi bitwaza intwaro gakondo n’imbwa bazengereje abaturage
Umusozi wa Bimonyi, mu kagari ka Kabuga, umurenge wa Ngamba, akarere ka Kamonyi,intara y’amajyepfo, abaturage barimo gusaba ko hashyirwa inzego z’umutekano zisumbuye ku banyerondo kubera hari insoresore zihabategera zikabagirira nabi.
Abaturage babwiye umunyamakuru ko bigoye guca muri Kano gace haba no kumanywa yihangu , ati:”Mudukorere ubuvugizi ku musozi wa Bimonyi , huzuye insoresore ziba zifite ibyuma , n’imihoro kuhanyura ntibishoboka ufite Telefoni barayikwambura ,amafaranga yose barayatwara ndetse hari n’abagore bafata kungufu ntibabone ubutabera kubera gutinya kubivuga”.
Bakomeza bavuga ko izi nsoresore inyinshi zituruka aho bita Bugoba ,mu murenge Rukoma uhana imbibi n’umurenge wa Ngamba.
Hari bamwe mu batanga buhamya bambuwe harimo umumotari bahategeye witwa Gisigara n’abandi baturage barimo Viateur.
Dr Nahayo Sylivere, Umuyobozi w’akarere ka Kamonyi yabwiye Radio 1 dukesha iyi nkuru ko bagiye kubikurikirana kuko ntiyumva uburyo hari abaturage bavukijwe umudendezo , ati:”Tugiye kubikurikirana, kuko sinumva uburyo abaturage bavuga ko babuze aho banyura kumanywa y’ihangu, turaza kubikurikirana tubafashe”.
Abaturage bo barimo kwifuza ko hakazwa umutekano , hagashyirwa inzego zisumbuye kubanyerondo kuko nabo ngo bajya bahamburirwa.
Agace bavuga ko izi nsoresore zibategeramo.
Agace bavuga ko baturukamo.
Bamwe mu bagore bavuga ko bahategerwa bagafatwa kungufu.
Bifuza ko hashyirwa inzego z’umutekano zisumbuye ku banyerondo.
