Ruhango:Umudugudu watoye amategeko yihariye bagiye kujya bihanira abajura -Bemeza ko ntawe bazongera gushyikiriza Polisi cyangwa RIB
Umugugudu wa Ryakabungo , uherereye mu kagari ka Nyabibugu , umurenge wa Mwendo, akarere ka Ruhango, watoye amategeko yihariye, bavuga ko byakozwe mu rwego rwo guca ubujura bukabuje , Aya mategeko bemeje agizwe n’ingingo eshatu ubuyobozi bw’umurenge n’akagari bwayamaganiye kure bavuga ko ibyakozwe bitemeye kuko iyo hari amategeko cyangwa amabwira yihariye ashyirwaho na komite ya Jyanama y’umurenge cyangwa akarere.
Bamwe mu baturage batuye muri uyu Mudugudu bavuganye n’itangazamakuru , bavuze ko umudugudu wabo ariwo wa mbere wiganjemo ubujura bukabije, iyo babafashe babashyikiriza Polisi cyangwa RIB bakabarekura , mu rwego rwo kubakakaza batoye amategeko yihariye yo kujya bihanira abajura.
Mu ngingo batoye zirimo ko uwo bazajya bafata yaguze ibijurano birimo amategura, Imyaka yo mu murima azajya acibwa amafaranga ibihumbi 70 Rwf, hakurwemo ibihumbi 20 Rwf ashyirwe kuri konti y’irondo y’uyu mudugudu, asigaye bayashyikirije uwo babyibye, naho umujura ufatanwe Urukwavu, Inkoko azajya acibwa amande y’ibumbi 50 Rwf hakurwemo ibumbi 20 Rwf ajye kuri konti y’irondo , asigaye ahabwe ubwo bibye, naho umujura uzajya afatwa atobora inzu, cyangwa afite ihene,ingurube , intama yibye azaga acibwa amafaranga ibumbi 100 Rwf, hakurwemo ibihumbi 20 Rwf ashyirwe kuri konti y’irondo asigaye ahabwe uwo babyibye.
Aya mategeko ahabanye n’amategeko asanzwe mu gitabo cy’amategeko ahana ibyaha mu Rwanda , yemejwe Kandi ashyirwa mu gitabo cy’umudugudu kugeza ubu amaze guhanishwa abantu babiri.
Tv1, dukesha iyi nkuru , bavuganye na Gitifu w’umurenge wa Mwendo ntibyakunda ko aboneka, ariko Gitifu w’akagari Nyabibugu Urereyimana Alex yavuze ko ibyakozwe n’uyu mugudugudu batabyemera Kuko bihabanye n’amategeko ,ati:”Bigeze kuduhamagara batubwira ko hari amategeko batoye yihariye ahana abajura , ariko twe ntabwo twigeze tubyemera kuko ibyo bakoze bihabanye nibyo Jyanama iba yemeje”.
Gitifu yirinze kuvuga icyo bagiye gukora, gusa abaturage bemeje ko ibyakozwe batazigera babihindura bizakomeza kubahirizwa.
