RPF-Inkotanyi mu murenge wa Kigali, mu kwitegura isabukuru ya 35 ishyize imbaraga mu bikorwa bizamura imibereho y’abaturage

Mu gihe hitegurwa kwizihiza isabukuru y’imyaka 35 y’Umuryango RPF-Inkotanyi, Abanyamuryango bawo bo mu murenge wa Kigali, akarere ka Nyarugenge, bavuga ko mu byo bashyize imbere ari uguharanira kuzamura iterambere n’imibereho myiza y’abaturage bikava mu magambo bikajya mu bikorwa.

Uyu wa 11/12/2022, bakoze ibikorwa bitandukanye, birimo Inteko rusange y’urugaga rw’abagore rushamikiye kumuryango wa RPF, n’ihuriro rusange mu mudugudu ka Agatare.

Abanyamuryango mu mudugudu wa Agatare, bungutse abanyamuryango bashya 100, barahiriye kunjira mu muryango, Igikorwa cyakurikiwe no kuremera abana bato bafite ubumuga butandukanye Inkoko z’amagi mu rwego rwo Kurwanya imirire mibi n’igwingira.

Mu rwego rwo kwishimira ibyagezweho , bitegura kwizihiza isabukuru y’imyaka 35, abanyamuryango bagaragarijwe bimwe mubyo bagezeho bavuga ko babikesha Chairman w’umuryango Paul Kagame uhora abakangurira kwigira ,bishimiye iteme biyubakiye ryatumye imigenderanire yoroha , Irerero bari kubaka rizabafasha kuzamura uburezi no gukemura bimwe mu bibazo bibangamiye.

Mu nteko rusange y’urugaga rw’abagore , ho baremeye abaturage babaha matera zo kurwamaho mu rwego rwo guca nyakatsi ku buriri.

Komiseri Ushinzwe Ubukungu n’Imibereho y’umuryango wa RPF-Inkotanyi, ku rwego rw’umurenge wa Kigali Ntirushwa Christopher, avuga ko kuri ubu ibyo bashyize imbere ari uguhindura ubuzima by’abaturage mu iterambere n’imibereho myiza yabo, kandi ko ibyo bigomba kuva mu magambo bikajya mu bikorwa asaba Abanyamuryango bose kubigira ibyabo bakajya muri izo ngamba.

Yagize ati “Nk’uko twabihaweho umurongo na Chairman wa RPF-Inkotanyi, Nyakubahwa Paul Kagame mu cyerekezo cy’umuryango, tugomba kwita ku iterambere n’imibereho byiza by’umuturage.”

Yavuze ko muri iyi minsi yo kwitegura kwizihiza isabukuru y’imyaka 35 umuryango RPF_Inkotanyi umaze ushinzwe, bakomeza gukora ibyo bikorwa biteza imbere abaturage.

Ati “Ubundi tugire umuturage wishimye, utekanye kandi ubayeho neza.”

Muri ibi bikorwa byose bakora bigizweho uruhare n’abanyamuryango ba RPF Inkotanyi ingaga zose ziwushamikiyeho n’amatsinda yihariye, Tusk Forces, bahuza imbaraga n’ubushobozi bagakora ibikorwa bitandukanye.

Komiseri Christopher, yasoje yereka abanyamuryango uburyo bazakomeza kwizigamira muri Ejo Heza , bashyigikira n’umuryo bifashishije ikoranabuhanga.

Ibikorwa byose byasojwe n’ubusabane.

Abanyamuryango mu mugudugudu w’Agatare bari kurahira kunjira mu muryango wa RPF.

Barahiye bishimiye kwinjira mu muryango wa RPF.

Komiseri Christopher yabanje kubasobanurira amahame y’umuryango.

Abana birojwe Inkoko.

Komiseri ashyikiriza umubyeyi Inkoko , amubwira izatera amagi yo guha umwana harwanywa igwingira.

Umwe mu bana baremeye ufite ubumuga.

Bamwe mubabyeyi baremeye matera.

Ifoto rusange.

Basoje bacinya akadiho.