Ngororero: Bamwe mu bagore bakubita abagabo babo bakabihinduka – Bifuza ko havuga imiryango irengera abagabo
Bamwe mu bagabo mu karere ka Ngororero cyane abo mu murenge wa Matyazo, barimo kuvuga ko babangamiwe n’abagore babo babakubita bakabihinduka bakajya kubarega bikarangira bafunzwe.
Aba bagabo babwiye itangazamakuru ko iki kibazo kimaze gufata intera, ati:”Abagore basigaye bitwaza uburinganire ngo bahawe ijambo bakaduhohotera bikanarangira bigiriye ahandi bataye ingo zabo, hari n’ububwo badufungisha ,iyo bagiye kurega muri RIB ngo tubahoza kunyeke umugabo w’itabye wese ntahava ahita afungwa”.
Bamwe mu bagabo muri kano gace babwiye umunyamakuru ko bibaye byiza nkuko hari imiryango myinshi irengera uburenganzira bw’abagore hakwiye kuvuga n’indi irengera uburenganzira bw’abagabo. Ati:”Natwe dusigaye duhohoterwa twavuga ntitwitabweho? buriya Havutse imiryango irengera abagabo hashyirwaho amategeko aturengera kuko ariho yose usanga ahengamiye ku bagore , ninayo mpamvu basigaye babyitwaza dugasigara ntaruvugiro dufite”.
Umuyobozi w’akarere ka Ngororero wungirije ushinzwe imibereho myiza y’abaturage Mukunduwihirwe Benjamin, yabwiye TV1 dukesha iyi nkuru ko gahunda y’uburinganire n’ubwuzuzanye itakabaye iyo gusenya ingo ahubwo yakabaye iyo kuzikomeza.
Ati:”Bamwe babyumvise nabi , ariko hano muri Ngororero dufite gahunda yo guhugura abagore hamwe n’abagabo babo Kandi bitangiye gutanga umusaruro , n’abitwara nabi turakomeza ibiganiro kugeza igihe uburinganire n’ubwuzuzanye bubaye inkingi yo gukomeza imiryango”.
