Nyamirambo: Hadji Hatangimana Ally yitabye Urukiko avuga ko atiteguye kuburana -Akurikiranyweho amacakubiri no gukoresha ibikangisho

None , Tariki ya 19/2/2025 , Hadji Hatangimana Ally yitabye Urukiko rukuru rwa Nyamirambo n’urubanza rwo mu bujurire RP 01935/2023/TB/NYGE.

Tariki ya 18/09/2023, nibwo urwego rw’ubugenzacyaha (RIB ) rwafunze HATANGIMANA ALLY ufite Imyaka 74 akurikiranyweho ibyaha bitatu bikurikira:

1. Gutukana mu ruhame
2. Gukoresha ibikangisho
3. Icyaha cyo gukurura amacakubiri.

Ibi byaha yabikoze tariki ya 11 Nzeri 2023, mu Karere ka Nyarugenge, Umurenge wa Nyarugenge, Akagari ka Mumena, umudugudu wa Kiberinka.

Hatangimana Ally yafungiwe kuri RIB STATION YA RWEZAMENYO mu gihe dosiye yarimo gutunganwa kugirango ishyikirizwe Ubushinjacyaha.

Yaje kuburana mu rukiko rwibanze rwa Nyamirambo aza kurekurwa kubwo kugaragaza igipapuro yakuye mu bitaro bya Ndera avuga ko ari umurwayi wo mu mutwe, iki gipapuro ntacyo kitavugwaho rumwe bikiri mu iperereza, Bayisenge Jean de Dier yahise ajurira iki kimezo cy’urukiko mu rw’isumbuye, mu kiganiro na HANGA NEWS uyu Bayisenge yagize ati:”Kuva najurira icyemezo cy’urukiko rwibanze bamaze gusubikisha inshuro ebyiri urubanza, baduhaye indi Tariki Nshya ya 6/3/2025 , ariko natunguwe n’uburyo umushinjacyaha yahinduye inyito y’icyaha yakuyemo ibyaha bibiri asigamo kimwe, ariko n’Avoka wanjye nibyo twagaragarije Urukiko dusaba ko dosiye yacu idakwiye kuvangirwa kubera inyungu za bamwe, nareke dosiye uko yatangiye mu bushinjacyaha ibe ari nako ikomeza mu bujurire”.

Tariki ya 18/9/2023, nibwo Uyu mugabo ,Ally yakoze ibyaha atera mu murenge wa Rwezamenyo,aturutse mu murenge wa Nyamirambo,Akagali ka Mumena, umudugudu wa Kiberinka. Aho yasangaga Bayisenge ku kazi amubwira ko, yakoze igisilikare Imyaka irenze 20 atagikoreye ubusa ,Ati:”Nza kwica nakoze igisilikare Imyaka irenze 20 , Kandi izi ,RIB na Police, n’abajandarume ntacyo bankoraho,. nti nongera kumva hari urwego na rumwe rumpamagara kubera wowe nzaguteza abyana byanjye bakunigire mu muhanda bakwice wowe uri Gasiha”.

Uyu Ally mu majwi HANGA News, dufite yafashe mu isesengura twakoze mu byavuzwe harimo amagambo y’irondamoko n’amacakubiri.

Uyu Ally HANGA NEWS icyo gihe twaramuvugishije atubwira nabi cyane ko itangazamakuru Atari urukiko , ati:,”Mwe muri inkiko? ku buryo mu mpamagara ‘??’.

Iki kibazo bafitanye bombi gishingiye mu gihe cya COVID, aho Ally yafashe ibikoresho byo mu nzu by’uyu Bayisenge, abiteza abanyerondo babijugunya hanze, nta nteguza amuhaye, nawe atamumenyesheje birangirika, ibindi barabyiba, bituma yiyambaza inzego z’ubutabera.

IBYAHA AKURIKIRANYWEHO, GUTUKANA MU RUHAME gihanwa N’INGINGO YI 161 y’itegeko No68/2018 ryo ku wa 30/08/2018 riteganya ibyaha n’ibihano muri rusange.

Igihano: Igifungo kitari munsi y’iminsi 15 ariko kitarenze amezi 2 n’amafaranga y’u Rwanda atari munsi yi 100,000 FRW ariko atarenze 200,000 FRW; imirimo y’inyungu rusange mu gihe kitarenze 15 cyangwa kimwe gusa muri ibyo bihano.

GUKORESHA IBIKANGISHO, gihanwa N’INGINGO YI 128 y’itegeko No68/2018 ryo ku wa 30/08/2018 riteganya ibyaha n’ibihano muri rusange.

Igihano : Igifungo kitari munsi y’umwaka 1 ariko kitarenze imyaka 2 n’amafaranga y’u Rwanda atari munsi yi 300,000 FRW ariko atarenze 500,000 FRW.

ICYAHA CYO GUKURURA AMACAKUBIRI, gihanwa N’INGINGO YI 164 y’itegeko No 68/2018 ryo ku wa 30/08/2018 riteganya ibyaha n’ibihano muri rusange.

Igihano: Igifungo kitari munsi y’imyaka 5 ariko kitarenze 7 n’amafaranga y’u Rwanda atari munsi yi 500,000 FRW ariko atarenze 1,000,000 FRW.

Ubwo yitabye urukiko, yari kumwe na bamwe mu muryango we.

Bayisenge Jean de Dier, ubwo yari mu kazi akazi kuhamutukira agatabaza.