Ruhashya:Abagabo 2 Bakurikiranyweho kwica umumotari bakamutaba mu Ishyamba baburanishijwe muruhame
Mu murenge wa Ruhashya, akarere ka Huye, ahitwa Muhororo, mu Gasharu, uyu wa 29/11/2022, Urukiko rwisumbuye rwa Huye,, rwaje kuburanisha abagabo babiri Nyandwi Viateur ufite Imyaka 42 na Hakizimana Jean Claude ufite Imyaka 23, bakurikiranweho icyaha cyo kwica babigambiriye, umumotari witwaga Ishimwe Zabroni ufite Imyaka 23 bakaba bafungiye kuri police Station Ngoma.
Urukiko rwaje kuburanisha uru rubanza mu baturage, aba bagabo biregure bemeye icyaha .
Umucamanza yanzuye ko ruzasomwa Tariki ya 7/12/2022 saa kumi z’umugoroba (16h00).
Tubibutse ko Umurambo we wabonetse mu ishyamba ry’Ikigo gishinzwe Iterambere ry’Ubuhinzi n’Ubworozi, RAB, riri mu Mudugudu wa Rubona mu Kagari ka Kiruhura, ahagana saa Yine zo mu gitondo cyo kuri iki Cyumweru tariki ya 6 Ugushyingo 2022.
Uyu mumotari w’imyaka 23 y’amavuko bishe akomoka mu Mudugudu w’Igerero mu Kagari ka Ruhashya mu Murenge wa Ruhashya mu Karere ka Huye.
Yari amaze iminsi itatu yarabuze kuko guhera tariki ya 3 Ugushyingo 2022 atongeye kugaragara aho akorera muri santere ya Rugarama ndetse n’aho atuye.
Umunyamabanga Nshingwabikorwa w’Umurenge wa Rusatira, Laurent Nshimyumuremyi, yabwiye itangazamakuru icyo gihe ko bakimara kumubura inzego zibishinzwe zatangiye iperereza kuko na moto ye yari yabuze.
Moto yaje gufatirwa mu Mujyi wa Kigali ndetse n’abayibye bahita bafatwa kuko basanze ari abaturanyi ba nyakwigendera.
Bamwe mu bamotari bakoranaga na nyakwigendera bitabiriye urubanza.
Abaturage bitabiriye urubanza ari benshi.
Aho urubanza rwabereye.
