Kigali: Inama Mpuzabikorwa y’Umujyi wa Kigali yibanze ku bibazo bikomeje kubangamira umuryango nyarwanda

Kuri uyu munsi, Tariki ya 10/12/2025 ,mu Mujyi wa Kigali hakomeje Inama Mpuzabikorwa y’Umujyi wa Kigali ihurije hamwe abayobozi mu nzego zitandukanye ndetse n’abafatanyabikorwa, bagamije kurebera hamwe intambwe imaze guterwa mu gukemura ibibazo bikomeje kugaragara mu muryango nyarwanda.

Iyi nama iyobowe n’Umuyobozi w’Umujyi wa Kigali, Dusengiyumva Samuel, ari kumwe na Minisitiri w’Uburinganire n’Iterambere ry’Umuryango (MIGEPROF), Uwimana Consolee. Intego nyamukuru ni ugusuzuma uko ibikorwa byo kurandura ibibazo birimo kudindiza imibereho y’abaturage bikomeje gushyirwa mu bikorwa n’inzego zitandukanye.

Ibibazo bikomeje kwigaragaza ku rwego rwo hejuru

Mu byo abayobozi n’inzego zitandukanye bagarutseho, harimo:

Ubusinzi bukabije bubangamira umutekano n’imibereho myiza

Abana bata ishuri, bikabangamira ejo hazaza h’igihugu

Isuku nke mu bice bitandukanye by’Umujyi wa Kigali

Igwingira ry’abana, riri mu bibazo bikomeye ku buzima n’iterambere ry’igihugu.

Gusambanya abana, kimwe mu byaha bifite ingaruka zikomeye ku muryango

Abagabo bahohoterwa, ikibazo kigaragaza impinduka zigaragara mu mibanire yo mu ngo

Ingamba zafashwe mu gukemura ibi bibazo

Abitabiriye iyi nama bagarutse ku ngamba zikomeje gushyirwa mu bikorwa kugira ngo ibi bibazo birandurwe burundu. Zirimo:

Gukomeza imikoranire ikaze hagati y’inzego zose kugira ngo ikibazo cyose gikurikiranwe neza

Gushyira ikibazo ku rwego rusumbuye iyo gikomereye inzego zo hasi

Kwegera abaturage kugira ngo haboneke amakuru ahagije, n’igisubizo gikwiye

Gufata ibibazo uburemere bikwiye, aho bidakwiye kurenza igihe bitavuwe

Kongera amahugurwa ku bayobozi b’inzego zo hasi, cyane cyane Abanyamuryango n’Abayobozi b’Imidugudu

N’izindi gahunda zo guhashya burundu ibibazo bikomeje gutera ingaruka ku muryango

Iyi nama irakomeje, kandi biteganyijwe ko izarangira hatanzwe umurongo ngenderwaho uhamye ku mikoranire y’inzego zose mu gukemura ibi bibazo.