Umushoramari Rodrique Birigamba agiye kurega mu nkiko Umujyi wa Kigali kubera kwica amasezerano
Birigamba Rodrique , n’umushoramari, ufite Kampani itegura ibikorwa bya Expo mu Rwanda yitwa Marakiti Art Garage LTD , arimo gutabaza avuga ko yarenganyijwe n’umujyi wa Kigali, aravuga ko bahagaritse Expo yarimo kubera muri Free zone yo mu mujyi wa Kigali amasezerano bafitanye atarangiye.
Ati:”Sinzi impamvu bahagaritse ibikorwa byanjye , bwa mbere banyandikiye ibaruwa babwira ko bahashaka ku mpamvu z’akazi, ubwa kabari bongeye kunyandikira ko harimo Kampani ziri kumurika ibikorwa bitari ibya Made in Rwanda , mbabaza izo arizo nsanga izo babwira babeshya ,none babyutse basenya amahema nta n’integuza bampaye , rero banteje ibihombo bitari musi ya Miliyoni 80 z’amanyarwanda”.
Bamwe bubitariye iyi Expo babwiye HANGA News ko bari mu gihirahiro , ati:”Dufite ibaruwa itwemerera gutangiza EXPO hano muri Free zone kuva Tariki ya 5/5/2025 kugeza Tariki ya 5/6/2025 ,none dukuwemo nta baruwa yindi baduhaye idusezerera, turibaza impamvu umujyi wa Kigali uduhindutse bakica amasezerano twagiranye.”.
Rodrique Birigamba avuga ko, uyu wa 19/5/2025 umujyi umuhagarikiyeho ibikorwa agiye kubageza mu nkiko kubera ibihombo bamuteje , Ati:”Banyatse Miliyoni 3 z’amafaranga y’u Rwanda nkuko itegeko ribiteganya ndayabaha, none banyirukanye ku mpamvu zidasobanutse ubona ko zivuguruzanya hamwe ngo bahereye ku mpamvu z’akazi ahandi ngo ku mpamvu zuko harimo Kampani zitari Made in Rwanda, Kandi izi Kampani bavuze zose zifiye ibyangombwa muri RDB bisobanura ko bakora ibya Made in Rwanda, Icyemezo mfashe ndabarega turakizwa nk’inkiko”.
Emma Claude Ntirenganya, umuvugizi w’umujyi wa Kigali , HANGA News twagerageje kumuvugisha ubwo twateguraga iyi nkuru ku by’iki kibazo, isohotse ntacyo aratubwira, nagira icyo atubwira turabishyira mu nkuru itaha.
Ibaruwa bamwandikiye bavuga ko bahashaka ku mpamvu z’akazi Kandi amasezerano bafitanye atarangiye.
Iyindi bamuhaye uriho urutonde rwa Kampani n’abikorera bavuga ko badakora Made in Rwanda, Rodrique avuga ko ari urwitwazo inyongambwa bihari bya RDB bibanura ibyo bakora ari Made in Rwanda.
