Koperative z’isuku zashyizweho n’umujyi wa Kigali ntizivugwaho rumwe – Kampani zisanganwe isoko zahagaritswe barishyuza ibirarane babarimo by’amezi 8

Zimwe muri Kampani z’isuku mu mujyi wa Kigali, ziri guhagarikwa zigasimburwa n’amakoperative mashya bavuga ko agizwe n’urubyiruko, buri murenge ufite Koperative y’isuku yihariye ikora ukwayo itagira ubuyobozi,abakora muri izi Koperative nshya bari basanzwe bakora isuku bari muri Kampani bavuga ko, ubu batazi uwo bakorera, ngo babwiwe ko ba rwiyemezamirimo bakoreraga Umujyi wa Kigali wabahagaritse bashyizwe muri za Koperative nshya.

Uyu wa 4/5/2025, HANGA NEWS twasuye abakora akazi ko gutunganya isuku y’umuhanda (Gukubura) no gutunganya ubusitani bw’umuhanda ,twahereye Rugenge, mu murenge wa Muhima, mu karere ka Nyarugenge dukomereza Kimihurura mu karere ka Gasabo dusoreza Kanombe mu karere ka Kicukiro,dusanga abakora akazi ko gukubura umuhanda bamwe bicaye ,abandi biryamiye ku nkengero z’umuhanda turaganira batugaragariza zimwe mu mbogamizi bafite n’impamvu batari kwita ku isuku nkuko bisanzwe.

Bagize bati:'”Baduhinduriye abayobozi bacu, twari dusanzwe dukorana na ba rwiyemezamirimo none barabahinduye turi muri za Koperative ntituzi abayobozi bacu, mbese ntabwo twizeye ko tuzanahembwa cyereka niba ari Gitifu w’Umurenge uzaduhemba kuko niwe watubwiye ngo dukomeze dukore ibibazo dufite tujye tubimugezaho niwe udushinzwe, none byatubereye urujijo nta masezerano y’akazi dukoreraho turiyoboye, ahubwo mutubarize tumenye uwo turi gukorana byanyabyo kuko turimo kwirwanaho nta bikoresho by’isuku dufite bamwe turi no gutira mu baturage , nibyo dukuye mu muhanda aho tubirunda byateje ikibazo twabuze Imodoka yabipakira byabaye byinshi cyane”.

HANGA NEWS, twagiye tugera aho birundwa dusanga ari byinshi cyane, kuva Umujyi wa Kigali wahagarika ba rwiyezamirimo nta modoka iraboneka ngo ibipakire bijye aho byagenewe gushyirwa i Nduba.Iyo ugeze mu kagari ka Rugenge, mu murenge wa Muhima iruhande rwa RURA hari ikibuga birunzemo , niyo ugeze Kanombe mu marembo yaho bita ko ariho hubashywe ku kibuga cy’indege umuhanda usohoka birunze musi y’umuhanda.Ahandi ni Kimihurura musi y’aho abashinwa bari kubaka inzu ndende usanganirwa n’umunuko urenze urugero,ibi byose abakozi batubwiye ko ntacyo babikoraho kuko batazi umuyobozi wabo.

HANGA NEWS, twaje kuvugana na bamwe mubafite Kampani z’isuku zakoraga mu mihanda ariko zahagaritswe batubwira ko , batifuza ko dushyira mu nkuru imyirondoro yabo ku mpamvu z’umutekano wabo ,ariko , bagira bati:'”Umujyi wa Kigali, niwo ukwiye gusobanura impamvu waduhagaritse, ubundi mbere y’amezi abiri amasezerano yacu ngo arangire harubwo baduhamagaraga bakotwongera amasezerano cyangwa bagashyira ku isoko umwanya tugapiganwa. Ubu rero siko bimeze amasezerano ararangira bagahita baguhamagara ngo turarangizanyije ”.

Ikibazo bafite, nuko babasesereye batanabishyuye ibirarane babafitiye, Ati:”Reba nk’ubu baradusezereye ariko baturimo amadeni menshi, uwo barimo ibirarane bike n’amezi 6 kuko hari nabo baturimo amezi 8, none badusezerereye nta kibazo batwishyure natwe twishyure abo twakoresheje ndetse n’amadeni y’abanki twagiye dufatamo umwenda kugirango tunoze akazi tubishyure?”.

Ikibazo gihari kandi gikomeye kidakemutse vuba ,cyateza ibindi bibazo nuko abari gukora ubu barimo gukora nabi nkuko babibwiye HANGA NEWS ko biyoboye bakora ibyo bishakiye ,harimo no gutaha kare, kuryama mu kazi.Kuba rero basigaye hariho imwe mu myanda isigaye ijugunywa mu marigori y’imihanda,kugeza n’ubwo bajugunya imyanda yakabaye ijyanwa mu kimoteri cyagenwe n’Umujyi wa Kigali. Ubu rero biravugwako isuku ikenewe ikiboneka kuko hari naho twageze umuhanda watangiye kurengerwa n’ikigunda.

Emma Claude Ntirenganya, umuvugizi w’umujyi wa Kigali, HANGA News twamubajije iby’ibi bibazo byose bivugwa ntacyo yigize adutangariza , twashakaga amakuru Yuko izi Koperative zagiyeho n’uwazishyizeho nuko ziyobowe kuko abo bavuga ko ari abanyamuryango ntabyo bazi, bika bicyekwa ko zashyizweho mu buryo bw’amanyanga hakaba kacyekwa Ruswa. Kuko abagarariye izi Koperative ari bayobozi b’imirenge.

Nagira icyo atubwira tuzabishyira mu nkuru itaha???

Abakozi bakora, isuku bikoreye ibishingwe bagiye kubimena mu ngarani ziri kunyengero z’umuhanda.

Aho birundwa byaruzuye biranuka babuze Imodoka ziza kubitwara.

Aho birunze byabaye byinshi cyane.

Uko bajya kubisha mu bihuru, birwanaho babuze Imodoka zibitwara banga ko byuzura umuhanda.

Abakozi baba biyicariye mu muhanda kubera badafite abakoresha , hibazwa uko bazahebwa none isuku izabobeka ite badakora.

Ropuwe zimwe zatangiye kuba ikigunda ,iyo iri hafi n’inyubako ya RURA.

Bamwe mu bakozi baba bicaye mu muhanda.

Imwe mu mihanda yabaye ikigunda.

Nta gikozwe , Kigali icyeye yazahinduka umwanda bitewe n’imikorere mibi.