Kicukiro:Urukiko rwategetse ko abasore 2 bakekwaho kwica Olga Kayirangwa bakurikiranwa bafunze
Urukiko rw’Ibanze rwa Kicukiro rwategetse ko abasore babiri bakekwaho kugira uruhare mu rupfu rw’umukobwa witwa Olga Kayirangwa, bakurikiranwa bafunzwe by’agateganyo mu gihe cy’iminsi 30.
Urukiko rwagaragaje ko hari impamvu zikomeye zituma abaregwa bakekwaho ibyaha bakurikiranyweho kandi ko hakenewe gukorwa iperereza ryimbitse kugira ngo hagaragazwe icyishe nyakwigendera mu buryo budashidikanywaho.
Nasagambe Fred akekwaho icyaha cy’ubwicanyi buturutse ku bushake mu gihe Gatare Junior Gideon akurikiranyweho icyaha cy’ubufatanyacyaha mu cyaha cy’ubwicanyi.
