Karenge:Basuye umuhora w’amateka y’urugamba rwo kubohora igihugu biyemeza gusigasira Ubumwe n’Ubudaheranwa
Guhera saa kumi n’ebyiri za mu gitondo (06:00am), Tariki ya 23/3/2024, hakozwe urugendo bise (Liberation history tourism trail phase II&II, Tour 23th March 2024).
Bonny Bahati, Umunyamabanga Nshingwabikorwa w’umurenge wa Karenge, akarere ka Rwamagana, yabwiye HANGA NEWS ko mu cyerekezo bihaye “KUBAKA KARENGE TWIFUZA”, Abaturage ba KARENGE basaga ijana (105) barimo inzego z’ubayobozi bw’ibanze, inzego z’Umuryango, guhera ku rwego rw’umudugudu kugeza k’Umurenge bitabiriye igikorwa cyo gusura ,Umuhora w’Amateka y’Urugamba rwo Kubohora Igihugu”.
Cyateguwe k’ubufatanye bw’umurenge n’abaturage ndetse n’abafatanyabikorwa, hakaba hasuwe aho urugamba rwatangiriye Kumupaka wa Kagitumba kugeza Gikoba, ahari indake yambere y’Umugaba mukuru w’Ingabo zari iza RPA, ahazwi kw’izina ry’AGASANTIMETERO.
Ibice bigize Amateka byasuwe birimo:
Kagitumba border, ahatangiriye urugamba rwo kubohora lgihugu
Nyabwishongwezi hill , aho late Major General Fred Gisa Rwigema yaguye
Tabagwe-Gikoba through the subsidiary axis & Agasanimetero area.
Hasuwe indake ya Afande PC (Iconic collection) , iherereye Gikoba mu kagali ka Shonga mu Murenge wa Tabagwe
Hasuwe ibindi bice mu nzira y’Urugamba ahagiye habera bimwe mubikorwa by’ingenzi byaranze urugamba
Amasomo bigiyemo harimo ,Kwigira k’Umukuru w’Igihugu (gutekereza muburyo bwagutse, kureba kure, guharanira gukora neza, Discipline, Sacrifice, kutazarira no gufatira ibyemezo igihe
Kwiga aho Igihugu aho cyavuye, aho kigeze ubu naho kigana
Indangagaciro zaranze ababohoye Igihugu (INKOTANYI) no kubigiraho mu gushyiramubikorwa inshingano duhabwa zo guteza Igihugu imbere n’Abanyarwanda
Gukoresha bicyeya ukagera kuri byinshi
Gukorera ku ntego, kwiyemeza no Kudatezuka (resilience) nubwo byaba bikomeye ariko bikagerwaho
Nyuma yo Kubona ubwitange bw’ababohoye Igihugu (INKOTANYI) ndetse harimo n’abahasize ubuzima, bizadufasha kurinda no gusigasira ibyagezweho.
Muri ,iki gikorwa Gitifu yavuze ko bifatanyije n’umuyobozi w’Akarere wungirije ushinzwe iterambere ry’ubungu Bwana Kagabo Rwamunono Richard, watanze ubutumwa bwo gushimira abaturage ba Karenge, abasaba gukomeza gusigasira ibyagezweho n’Inkotanyi.
*Let’s walk into the footsteps of RPF/A & discover how the liberation struggle was*”a thought and fought struggle”*
Insanganyamatsiko, igira iti:”KUBAKA KARENGE TWIFUZA N’IHAME KANDI DUKOMEYEHO”.
