Jali:Haravugwa ingengabitekerezo ya Jenoside mu buyobozi bwa ADEPR Gihongwe
Bamwe mu bakirisitu ba ADEPR, barakotse Jenoside yakorewe Abatutsi mu murenge wa Jali, akarere ka Gasabo (Paruwasi Gihongwe), barimo kuvuga ko bashenguwe n’uburyo ubuyobozi bwabo bwitwaye mu muhango wo kwibuka ababo bishwe muri Jenoside yakorewe Abatutsi mu 1994.
Mugwaneza Vincent, ufite Sebukwe n’abavandimwe b’umugore we bari abakirisitu biri torerero rya ADEPR Gihongwe, bazize Jenoside yakorewe Abatutsi, yabwiye HANGA NEWS ko bashenguwe nuko uyu mwaka umuhango wo kwibuka ababo utagenze neza bitewe nuko umuyobozi wabo Pasiteri Niyihaba Jean Paul atabatumiye nk’abafite ababo bibuka , ati:”Twumvise ko itorero ryacu bibutse ku nshuro 29 Jenoside yakorewe Abatutsi, twe dufite abacu bahaguye ntitwamenyeshwa ,abubwo tubyumva mu makuru ko uyu muhango wabaye ”.
Karengera Callixte, n’umudiyakoni w’iri torero rya Gihongwe nawe ufite Abe bishwe muri Jenoside yakorewe Abatutsi, yabwiye HANGA NEWS ko ababajwe nuko Hibutswe ababo bazize Jenoside yakorewe Abatutsi badahari, ati:”Hari abantu batarenze 10, ntibisobanuye ko tutitabiriye ahubwo ntabwo twamenyeshwejwe ko uyu muhango uzaba, twibaza impamvu bakora igikorwa nk’iki gikomeye barangiza bagakinira ku bacu bazize Jenoside yakorewe Abatutsi”.
Umuhango wo kwibuka, bavuga ko wakozwe mubúryo bumeze nko gushinyagurira Abazize Jenoside yakorewe Abatutsi, imihango yose ijyanye no kwibuka nkiyubahirijwe uko bisanzwe , harimo gucana urumuri rw’icyizere, ibiganiro ku mateka ya Jenoside, kumenya abafite ababo bishwe muri Jenoside, no kutabiriza igihe kuko umuhango wabaye mu isaha imwe gusa.
Rungirwa Valantin , umuyobozi w’ururembo rwa ADEPR mu mujyi wa Kigali, yabwiye HANGA NEWS ko ibi atabizi icyo azi nuko bibutse, ati:'”Ibijyanye n’imihango yo Kwibuka hariya Gihongwe ntabyo nzi, icyonzi nuko bibutse ku nshuro ya 29 Jenoside yakorewe Abatutsi”.
Abajijwe ku ibaruwa yandikiwe n’abakirisitu ba Gihongwe Tariki 16/12/2022 bamusaba ko yabafasha gukemura ikibazo cy’amacakubiri ahari , yatubwiye ko atayizi , mu ibaruwa HANGA NEWS dufitiye copies igaragaza ko bayakiriye iriho na cashi ya reception.
Urugeni Angelique , umuyobozi wa Ibuka mu murenge wa Jali, yabwiye HANGA NEWS ko nawe ibyabaye yabimenye Kandi byamubabaje, ati:”Nibyo koko ? imihango yo Kwibuka hariya muri ADEPR Gihongwe yakozwe nabi, twarabimenye tujyayo tubagira inama zo kujya bakorana n’inzego za Ibuka , kuko twabonye hari imihango imwe n’imwe itarubahirijwe”.
Niyihaba Jean Paul, umuyobozi wa ADEPR wa Paruwasi Gihongwe, HANGA NEWS ishuro zose twagerageje kumuvugisha ntiyitabye telephone.
Nubwo umuyobozi wa Ibuka mu murenge wa Jali ,yavuze ko yegereye ubuyobozi bwa ADEPR Gihongwe akabagira inama, abakirisitu ntibabyumva kimwe nawe ,bitewe n’amagambo yavuzwe n’uyu muyobozi wa ADEPR Gihongwe arimo ingengabitekerezo ya Jenoside, Urugero hari aho yavuze ko impamvu ubwitabire butabonetse nuko abakirisitu kwibuka babirambiwe, n’ayandi magambo atarabashimishije bafata ko ari ugupfobya Jenoside yakorewe Abatutsi.
Mugwaneza Vincent, uvuga ko yashenguwe nuko atashyize Indabo ku rwibutso yibuka yibuka Abe bishwe muri Jenoside yakorewe Abatutsi.
Umudiyakoni Karengera Callixte, uvuga ko yababajwe nuko kwibuka Abe byapfobejwe n’ubuyobozi bwa ADEPR Gihongwe.
Urukuta rwanditseho amazina y’abakirisitu bishwe muri Jenoside yakorewe I Gihongwe.
Urusengero rwa ADEPR Gihongwe.
