Kanyinya:Inteko rusange yateranye hizihizwa isabukuru ya 35 y’umuryango FPR -Inkotanyi

Abanyamuryango ba FPR-Inkotanyi mu murenge wa Kanyinya, akarere ka Nyarugenge, bateranye hizihizwa isabukuru ya 35 y’umuryango FPR-Inkotanyi umaze uvutse.

Inteko yateranye uyu wa 12/2/2023, bishimira ibyiza bagezeho bakesha umuryango wa FPR-Inkotanyi, Chairman w’umuryango FPR-Inkotanyi mu murenge wa Kanyinya Bwana Busheyija Yassani, yabwiye HANGA News ko bageze kuri byinshi , ahera ku bukungu yagize ati:” Umwaka ushize wa 2022 Inguzanyo zatanzwe muri Sacco ya Kanyinya ni Miliyoni 4 Rwf zirenga zafashije abaturage gukora imirimo iciriritse yabateje imbere,
Ejo heza twizigamye Miliyoni zigera 22 Rwf ,
Girinka tumaze koroza Inka 49,
Amashanyarazi ingo zirenga 1000 ziracanye,
Amazi yavuye ku kigero cya 49%, tugeze kuri 80%, imiharirane hubatswe ikiraro cyo mu kirere kidubuza n’umurenge wa Jali, mu
Nzove hava Imboga nyinshi zijya mu mujyi.
Transport yarabonetse dufite imodoka yacu, mbese ni byinshi twagezeho dukesha FPR-Inkotanyi”.

Imibereho myiza, mu murenge wa Kanyinya Ubukangurambaga bwo kurwanya imirire mibi n’igwingira ry’abana bwakozwe burangira abana bose bavuye mu mutuku, hatewe ibiri 15,297 by’imbuto mu rwego rwo gukomeza kwihaza mu buribwa.

Mituweli tugeze kuri 99% , hakozwe Kandi Ubukangurambaga ku babyeyi kugirango birinde kubyarira mu rugo.

Ubukangurambaga bwo kurwanya COVID-19, bwabashije abaturage kwirinda iki cyorezo,nzu z’abantu batishoboye zarasanwe, abaturage 249 bakuze bafashijwe kubona inkunga y’ingoboka , ubu barashimira Perezida Paul Kagame ko abakuze muri Kanyinya babayeho neza.

Kugaburira abana ku ishuri (Imyaka yose bigamo barya ku ishuri) nta mwana ugita ishuri, byatumye abana 130 bagaruwe ku mashuri.

Imiryango 150 yasezeranye byemewe n’amategeko byagabanyije amakimbirane mu miryango, Umugoroba w’umuryango uterana mu cyumweru cya nyuma cy’ukwezi.

FPR-Inkotanyi yungutse abanyamuryango bashya bagera kuri 500 mu mwaka ushize kimwe n’ibindi byavuzwe byerekanaga ko Kanyinya bakataje mu iterambere barangajwe imbere na komiseri w’ubukungu Clarisse Uwanyirigira.

Umuhango wasojwe n’ubusabane, bakata umutsima bacinya akadiho bishimira chairman w’umuryango FPR-Inkotanyi Paul Kagame ko imiyoborere ye myiza ariyo itumye bishima.

Byabimburiwe no kuremera matera abagore mu rwego rwo Kurwanya nyakatsi ku buriri , no koroza Inka bamwe mu banyamuryango ba FPR-Inkotanyi.

Ubwo bari batangiye umuhango ,imbere y’umurenge.

Ababyeyi bari bazihiwe n’ibiseke, mu rwego rwo gusigasira umuco.

Habayeho ibiganiro buvuga amateka y’umuryango FPR-Inkotanyi birangajwe imbere ya komiseri w’ubukungu Clarisse.

Bamwe mu banyamuryango baremewe matera harwanywa nyakatsi ku buriri.

Habayeho korozanya.

Basusurukijwe n’itorero.

Bakase umutsima mu rwego rw’ubusabane.

Hari abayobozi batandukanye.

Ubwitabire byari bushimishije.