Biryogo:Tapi Rouge tugiye kuhahindura Tapi Vert – Meya Rubingisa mu birori by’isabukuru ya 35 y’umuryango FPR-Inkotanyi

Umuyobozi w’umujyi wa Kigali, Pudence Rubungisa yavuze ko ibikorwa by’iterambere mu karere ka Nyarugenge birimbanyije , ahazwi nka Tapi Rouge I Nyamirambo hagiye gukorwa ikibuga cy’umupira kigezweho yise Tapi Vert.

Ibi yabivugiye mu nteko rusange y’umuryango wa FPR -Inkotanyi, kuri uyu wa 21/1/2023 yabereye mu kagari ka Biryogo, aho umurenge wa Nyarugenge wari mu birori byo kwizihiza isabukuru ya 35 y’umuryango FPR-Inkotanyi umaze ubayeho.

Umushyitsi mukuru , yari komisiri wa FPR -Inkotanyi ku rwego rw’igihugu Sheikh Abdul Karim Harerimana , DEA Emmy NGABONZIZA, n’abandi bashyitsi batandukanye .

Meya Rubungisa, mu jambo yagejeje kubitabiriye uyu muhango, nuko bishimira ibyiza FPR -Inkotanyi ibagejejeho muri iyi myaka 35, ati:”Turi hano tunezerewe twese, ngirango mwese muracyeye ku mutima ibi byiza mubona FPR -Inkotanyi yatugejejeho mujye muzirikana ko hari abitanze bemeye tumena amaraso bitangiye igihugu, intego yari uko tuzagira igihugu kiza gitekanye buri wese yifuza kubamo”.

Akomoza ku mishinga minini , yavuze ko hari ibyiza FPR -Inkotanyi imaze gukora , birimo umushinga w’Agatare Village, imihanda icyeye mu Biryogo, n’ibindi……

Yagize ,ati:”Ubwo twigeze guca hano na Chairmam wacu Paul Kagame, yashimye uburyo Biryogo mumaze kwiteza imbere, ariko hari Indi mishinga ihari, tugiye gutunganya igishanga cya Rwampara kibe ahantu heza hubucyerarugendo, ahandi hakorwe ubuhinzi bugenzweho, hariya kuri tapi rouge tugiye kuhatunganya abana bave mugukinira mu ivumbi, tuzahatunganya neza hashyirwe Tapi Vert, ibyo n’ibindi bigiye gukorwa vuba n’amafaranga yarabonetse”.

Mu biganiro byatanzwe , n’abantu batandukanye byagarukaga ku mateka yaranze Biryogo mbere ya Jenoside yakorewe abatutsi muri Mata 1994, Sheikh Abdul Karim Harerimana yavuze ko aha bicaye cyera hari abari barahaciwe kuburyo harimo n’abahunze , yavuze ko habaga inama zitwaga Regeza Mwendo ziheza bamwe bakanababwira ko batemewe bagomba kugenda, ariko FPR -Inkotanyi aho yaziye ubu niho basigaye bicara baganira iterambere ry’igihugu.

Umuhango wasojwe n’ibirori by’ubusabane DEA Emmy ashimira chairman w’umuryango Paul Kagame ,agira ati:”Imiyoborere myiza ya Chairman wacu Paul Kagame niyo itumye turi hano twishimira ibyiza twagezeho, dukomeze uyu mujyo tuzamurane tuzatsinda twese”.

Meya Rubungisa ari kumwe na Shieth Abdul Karim Harerimana.

Abayobozi batandukanye bitabiriye iyi nkeko n’ibirori byo kwizihiza isabukuru ya 35 y’umuryango FPR-Inkotanyi.

DEA,Emmy ashimira Perezida Paul Kagame ko imiyoborere myiza ariyo itumye bizihiza ibirori.

DEA arimo gucinya akadiho n’abaturage bishimira ibyiza FPR-Inkotanyi ibagejeje.

Meya Rubungisa, avuga ko ahari tapi rouge bagiye kuhagira tapi Vert.

Habayeho ubusabane, basangira umutsima.

Baremeye abaturage, ibyo kurya na Matera barwanya nyakatsi ku buriri.

Chairman w’umuryango FPR-Inkotanyi mu murenge wa Nyarugenge aha ikaze abashyitsi.

Abanyamuryango bari babucyereye , bameze neza.

Ibirori byari ibyishimo bacinya akadiho.

Gitifu Patricia yari ahari.