Muhima: Abaturage bahangayikishijwe n’abamotari bangije umuhanda w’abanyamaguru

Bamwe mu baturage mu murenge wa Muhima ,ahazwi nka Raflesherur bari kuvuga ko inzira y’amaguru bacagamo yangijwe n’abamotari.

Abaturage baganiriye na HANGA NEWS uyu wa 18/5/2022 bavuze ko iki ari akibazo kimaze igihe cyaraburiwe igisubizo.

Ati:”Iki kibazo duhora tubwira ubuyobozi ko bwadufasha aba bamotari bakunda guca iyi nzira ya bugufu ujya Nyabugogo cyangwa uvayo ko Atari iyabo? n’inzira twe abanyamaguru dukoresha , none dore uduteme twacu twacagaho twarapfuye mu gihe Kiri imbere ntaho kunyura tuzaba dufite”.

Bamwe mu bamotari HANGA NEWS yavuganye nabo batifuje ko dushyira mu nkuru amazi yabo bavuze ko baca hariya kubera ari inzira yabugufi, ati:”Ino minsi Lisansi yarahenze, iyo tubonye umugenzi uva mu mujyi yerekeza Nyabugogo nta mpamvu yo kuzenguruka”.

Rubingisa Pudence ,Umuyobozi w’umujyi wa Kigali HANGA NEWS twamweretse iki kibazo ntacyo aradutangariza, nagira icyo atubwira turabishyira mu nkuru itaha.

Abaturage bifuza ko uyu muhanda izi Moto zahagarikwa kuhanyura cyangwa uduteme duhari tugakorwa bakazajya bahaca hameze neza.