Abanyeshuri ba Foundation Dr Alfred Paul Jahn basuye imva ye basobanurirwa impamvu yashyinguwe mu irimbi ry’i Nyamirambo

Umuryango washinzwe na nyakwigendera Dr Alfred Paul Jahn, uzwi nka Foundation Dr Alfred ugizwe n’abana b’abanyeshuri basuye Imva ye, basobanurirwa impamvu yashyinguwe mu irimbi ry’i Nyamirambo.

Uyu wa Gatatu,Tariki ya 4/9/2024 nibwo abanyeshuri baturutse mu mujyi wa Kigali,n’intara zitandukanye bahuriye mu rugo rwa nyakwigendera bakirwa n’abana ba nyakwigendera harimo Imfura ye, Fidele Jahn , Igikorwa nyamukuru nuko bifuje gusubira ku mashuri bigamo baganiriye nk’umuryango.

Ku ikubitiro basuye Imva ya Dr Alfred Paul Jahn, ashyinguwe mu irimbi ry’i Nyamirambo, bahaherewe ubutumwa nyamukuru bwa nyakwigendera yasize avuze , Fideli Jahn yabwiye abana ko Dr  Alfred Paul Jahn yageze mu Rwanda 1997 yavutse tariki ya  16 Mata 1937 mu Budage, Yakomeje agira ati:”Yagaragaye mu bikorwa byinshi by’urukundo hano  mu Rwanda, namwe murimo kuko mwese murabizi ko ariwe wabishyuriye amashuri ,yapfuye muri kumasomo twirinda kubagezaho iyi nkuru kugirango mukore ibizami by’amashuri mutekanye”.

Yakomeje avuga ko, urukundo yabakundaga nawe arirwo abakunda, Ati:”Hanwe n’Imana tubijeje ko nta kizabahungabanya , rero icyo yasabye cyangwa yakundaga nuko mwiga neza mugatsinda , nicyo natwe tubijurije Kandi muzakomeze kurangwa n’urukundo nkuko nawe yarubatoje mwige neza mutsinde mwigirire akamaro ndetse n’igihugu”.

Yasoje ubutumwa agira ,ati:”Akiriho yadusabye ko umunsi yapfuye nta ndabo yifuza kuzashyirwaho ndetse ko tuzanamushyingura mu irimbi ry’abakene , amafaranga yo gukoresha ibyo twayakusanya tujya gufasha abaturage be b’i Rwesero yakundaga, ibyo twarabikoze niyo mpamvu Imva ye muyibona hano mu irimbi ry’i Nyamirambo ”.

Tubibutse ko, Tariki ya 12/6/2024, aribwo byamenyekanye ko Umuganga w’Umudage  Dr Alfred  Paul Jahn wamenekanye nka Mona Amie,  wari warihebeye  ibikorwa byo  gufasha abatishoboye mu myaka 27 hano mu  Rwanda yitabye Imana azize uburwayi ku myaka 87, yaguye mu rugo iwe I Nyamirambo-Kivugiza, aho yari amaze iminsi arwaye akurikiranwa n’abaganga.

Bamwe mu bana barangije amashuri bishyuriwe na Dr Alfred babwiye HANGA NEWS ko nubwo babuze umubyeyi bazakomeza gutwaza no gushyira mu bikorwa ibyo yabasabye, bavuze ko nabo intego yo gufasha bazayikomeza bagera mu kirenge icy’umubyeyi.

Ubwo bari bavuye mu rugo berekeje ku irimbi.

Ubwo bari bageze ku irimbi.

Bageze ku mvaye bari gukora isuku.

Fideli Jahn, umuhungu wa Dr Alfred ubwi yarimo kubabwira amateka ya Dr Alfred.

Imva ya Dr Alfred Paul Jhan.

Abana basoje amasomo mu mashuri yisumbuye , baganiriye n’itangazamakuru bavuga ko babuje umubyeyi ariko bazakomeza gutwaza bajya mbere.

Abanyeshuri bari mu gahinda ko kubura umubyeyi.

Bari mu rugo baganira babwa impanuro n’umubyeyi Batamuriza.

Dr Alfred Paul, yakunze kugaragara mu baturage abazaniye ubufasha.(Photo archive)

Nubwo yabaga arwaye yarihanganaga akabageraho (Photo archive).