Jali:Umurambo w’umugabo wasanzwe muri Ruhurura imbereye hari icupa ry’inzoga yitwa Kiwingu

Mu rukerera rwa tariki ya 02/10/2025 muri ruhurura iherereye mu Kagali k’alAgateko, mu mudugudu wa Rwankuba, mu murenge wa Jali, akarere ka Gasabo, hasanzwe umurambo w’umugabo witwa Nzirabatinya Jean Pierre w’imyaka 42 imbereye ye hari icupa rw’inzoga yitwa Kiwingu.

Inzego z’umutekano RIB na Police zahageze zitangira iperereza,umurambo wajyanwe na RIB kugirango usuzumwe hamenyekane icyateye urwo rupfu.

Biravugwa ko uyu nyakwigendera yari yaraye mu kabari asangira na Niyonambaza Viateur waruherutse gufungurwa kubera amakimbirane yari afitanye n’umugore we, ari nawe wavugije induru ngo nibamutabare umuntu aguye mu mukoki, akaba RIB yatawe muri yombi ngo akorweho iperereza ndetse n’uwitwa Baptiste ucuruza butike muri uwo mu Mudugudu wa Rwankuba.

Undo mu bagabo bakomangiye ngo abahe itabi akaribahera mu idirishya nawe yatawe muri yombi.

Umuvugizi wa Police mu mujyi wa CIP Wellars Gahonzire yabwiye HANGA NEWS ko
‎Amakuru bayamenye , yagize ati:”Mu Murenge wa Jali ,akagali ka Agateko, umududugidu wa Rwankuba hari umugabo waguye mu mukoki, Polisi, inzego z’ibanze, RIB bagezeyo basanga ni umugabo witwa
‎Nzirabatinya jean Pierre ufite imyaka 42 waguye mu mukoki akitaba Imana”.
‎
Yakomeje avuga ko ‎yakuwe muri uwo mukoki ariko yamaze gupfa, ati:”‎Hafashwe ibimenyetso bya gihanga bifasha kumenya icyateye uyu mugabo kugwa mu mukoki.
Umurambo wajyanywe ku bitaro bya Kacyiru, iperereza ryatangiye ngo hamenyekane uko byagenze”.

Umukoki yasanzwemo yapfuye.

Abaturage bahise bahagera.

Ibihuru yacimo agiye kugwamo.