Kicukiro: DASSO yoroje abaturage Inka n’amatungo magufu hagamijwe kubafasha kwikura mu bukene
Kuri uyu wa Gatanu, Tariki ya 30/5/2024 abagize Urwego rwa DASSO ,mu Karere ka Kicukiro, boroje abaturage mu Murenge wa Gahanga hagamijwe kubafasha kwikura mu bukene, hakaba hatanzwe inka ndetse n’amatungo magufi (ihene).
Iki gikorwa ngarukamwaka ni gahunda y’Urwego rwa DASSO , aho bagira uruhare mu guteza imbere imibereho myiza y’abaturage.
Mu bahawe inka harimo Umuhanzi Ngarambe François-Xavier wagabiwe mu rwego rwo kumushimira uruhare yagize mu gusigasira ubumwe n’ubudaheranwa bw’Abanyarwanda.
Umuyobozi w’imirimo rusange, mu karere ka Kicukiro Donatien Murenzi wari witabiriye iki gikorwa yashimye Urwego rwa DASSO kuri iki gikorwa cyo koroza abaturage ndetse n’ibindi bakomeje kugiramo uruhare birimo kubakira abatishoboye no gufasha abana bataye ishuri kurisubiramo babaha ibikoresho.
Samuel Niragire, umuhuzabikorwa wa DASSO mu karere ka Kicukiro, yabwiye HANGA NEWS ko , ibyakozwe biri muri gahunda uru rwego bafite yo gufatanya n’abaturage kuzamura imibereho myiza.
DASSO yoroje abaturage Inka.
DASSO yoroje abaturage amatungo magufi.
Ngarambe Francois Xavier, yorojwe Inka.
Byari ibyishimo.
Borojwe Inka z’imbyeyi.
