Umurenge wa Kigali wahawe ishimwe ko wahize Indi mu karere ka Nyarugenge mu bikorwa by’umuganda
Ku rwego rw’Akarere umuganda rusange usoza ukwezi Kwa gatandatu wabereye mu Murenge wa Kigali, Akagari ka Nyabugogo, Umudugudu wa Gakoni.
Ibikorwa byakozwe, harimo Gucukura no kubakira inzira z’amazi (Rigoles) ku mihanda iri muri site y’imiturire ya Gakoni,aho abaturage batuye muri iyi site y’imiturire bahuje ubushobozi bwo kwiyubakira imihanda ya kaburimbo izaba ifite uburebure bwa 2.3 km ku ikubitiro.
Iyi mihanda ikaba izatwara amafaranga asaga 505,000,000 frws , abaturage bakaba bamaze kwishakamo ubushobozi bwa 130 000,000 frws bingana na 30%.
Hakaba harabura inkunga y’uruhare rw’Umujyi wa Kigali ingana na 70% .
Iki gikorwa cyatangijwe ku umugaragaro n’Umuyobozi w’Umujyi wa Kigali wungirije ushinzwe imibereho n’iterambere ry’ubukungu Madamu URUJENI Martine.
Hakozwe umuganda ushingiye ku bumenyi, aho abantu 105 bitabiriye umuganda bapimwe indwara zitandura.
Abitabiriye umuganda, harimo Umuyobozi w’Umujyi wa Kigali wungirije Ushinzwe Imibereho myiza n’Iterambere ry’ubukungu , Madamu URUJENI Martine ,Umuyobozi Nshingwabikorwa w’Akarere ka Nyarugenge , Bwana NGABONZIZA Emmy.
Umuyobozi w’Imirimo rusange mu Karere ka Nyarugenge, Abayobozi b’inzego z’umutekano mu Karere ka Nyarugenge (Army, Police, DASSO, n’Irondo ry’Umwuga).
Abagize Inama Njyanama y’Umurenge, Abakozi batandukanye b’Umujyi wa Kigali, Abaturage bo mu murenge wa Kigali.
*Ubutumwa bwatanzwe bwatanzwe nyuma y’umuganda ,Isuku n’isukura,Umutekano,Gahunda yo kwivana mu bukene, Kwirinda ibiyobyabwenge,Abana mu biruhuko ,Gutegura kwibohora kunshuro ya 29.
Hatanzwe Kandi Icyemezo cy’Ishimwe, cyahawe Umurenge wa Kigali, kubera kuba indashyikirwa mu marushanwa y’ibikorwa by’umuganda byahize abandi mu Karere ka Nyarugenge 2022-2023.
Ubwitabire bw’abitabiriye umuganda mu murenge wa Kigali ,16.854/17.929. Agaciro 9,612,560 frws.
Gitifu Ntirushwa Christopher ubwo yashikirizwaga certificate y’ishimwe.
Ubwo abayobozi bari mu muganda.
Umuyobozi w’umujyi wungirije Urugeni mu muganda.
Abaturage mu muganda.
Byari ibyishimo.
Hari n’inzego z’umutekano.
