G.S Kimisagara hasojwe amarushanwa y’umipira w’amaguru yahuje Amashuri n’ibyiciro

Mu Kigo cya G.S Kimisagara, giherereye mu Murenge wa Kimisagara, Akarere Ka Nyarugenge, uyu wa 14/6/2023 hasojwe amarushanwa harimo irushanwa rihuza amashuri (Inter- Classes).
ndetse n’irushanwa rihuza ibyiciro( Inter-promotion).

Inter-classes yatangiye kuwa 24/10/ 2022, yitabirwa n’amashuri Makumyabiri n’ane (24) agabanywa mu matsinda 8 agizwe n’amakipe 3 kuri buri tsinda.

Nyuma y’imikino y’amajonjora, hakomeje amakipe abiri (2) muri buri tsinda. Iya mbere mu itsinda igahura n’iya kabiri mu rindi tsinda mu mikino ya 1/8.

Muri 1/4 habayeho gutombora, Izatomboranye zirakina, itsinze igakomeza muri 1/2, Nazo zirakina haboneka izijya ku Mukino wa Nyuma arizo S2D na S6HEG ku bahungu naho ku Bakobwa S2C na S5MEG.

Imikino ya nyuma yabaye kuri icyi gicamunsi, Aho S2D yegukanye igikombe mu Bahungu naho mu Bakobwa Kikegukanwa na S2C.

Inter- Promotion yo yatangiye 20/04/2023 yitabirwa n’amakipe atandatu (6) nkuko promotion nazo ari Esheshatu kuva S1 kugera S6.
Ayo Makipe yashyizwe mu matsinda abiri agizwe n’amakipe atatu (3) agenda akina hakazamuka amakipe abiri muri buri tsinda hagendewe ku manota yagize. Nyuma yo kubona amakipe 2 muri buri tsinda, iya mbere mu itsinda yagiye ihura n’iya Kabiri yo mu rindi tsinda, bityo haboneka amakipe abiri azakina umukino wa nyuma mu Bakobwa no mu Bahungu.

Ayo makipe ni S2 na S5 mu Bahungu naho mu Bakobwa ni S3 na S5.

Ayo makipe yose yakinnye imikino ya Nyuma (Final) aho S5 yegukanye igikombe cya Inter- promotion mu Bahungu itsinze S2 ibitego 3 -2 naho mu Bakobwa cyegukanwa na S3 itsinze S5 ibitego (2-0).

Imikino yose ya Nyuma yakinwe uyu munsi tariki ya 14/06/2023 Ku bufatanye na Itel Mobile nk’umuterankunga w’aya marushanwa.

Ibihembo byatanzwe ugereranyije bikaba bifite agaciro Ka 2,395,000Rwf

Harimo,Amakayi, Amakaramu, Ibikapu, Painting Books, Boite Mathematical na envelope zahawe amakipe yatwaye ibikombe.

Kalisa Jean Sover, Umunyamabanga Nshingwabikorwa w’umurenge wa Kimisagara witabiriye Aya marushwanwa yavuze ko ashimiye iri shuru ubwitange cyane sports , Ati:” Aha ku ishuri twatanze ubutumwa bwibanze ku isuku, kurwanya ibiyobyabwenge mu rubyiruko no kwitabira ishuri”.

Niyosenga Jean De Dieu, umuyobozi w’urwego rw’Association ya Sport scolaire ya NYARUGENGE , wari umushyitsi mukuru yavuze ko G.s Kimisagara ari intangarugero mu mashuri cyane sport, ati:”Intambwe mwateye tuzakomeza kuyishyikira , mukomereze aha turi hafi nk’ubayobozi kubafasha uko bikwiye ”.

Charles Nsengimana , umuyobozi w’ishuri rya G.s Kimisagara yashimiye abanyeshuri batsinze ko bitwaye neza , anaboberaho gushimira umuterankunga wa Itel Rwanda washyizemo ubushobozi byatumye abana bishima.

Ubwo amakipe yari ageze mu kibuga yitegura gutangira umukino.

Ubwo umuyobozi w’ishuri yari kumwe n’abarezi hamwe n’ibikombe biza guhabwa abatsinze.

Amakipe yose yari yireguye guhigana.

Ibikombe byatanzwe.

Abashyitsi bitabiriye kureba uyu mukino.

Niyosenga Jean De Dieu, ari guhemba abana babaye abambere.

Gitifu Kalisa Jean Sover, ari kumwe nuhagarariye Itel hamwe n’abana mu byishimo.

Byari ibyishimo mu bana bato.

Bamwe mu bana n’abakobwa batwaye ibikombe mu byishimo.

Byari ibyishimo Gitifu ahemba umukobwa wabaye uwa mbere.